ياهيه من بين الاماني تمنيت..محمد عواد البشكمي

ياهيــه مـن بـين الامـاني تمنــيت
لو كان لي بيت ن علـى حد بيــتك

ويكون ماحولي وحولك ولا بيــت
كل مادفعني هاجس الشوق جيتك

علقـتني بـك يالغــــلا ثــم تغــليت
وانت تخبر من قبل اشوفك هويتك

وشلون قلبك طـاوعك وستمـريت
وآنا اللذي بعـت الخـلق واشتريتك

شفني ثلاث ايام فاتح على النيت
ترسل علـيّ لو هي رسـاله بغــيتك

بوصيك يوم انك بصــدك تماديت
حافظ على اللي لك بقلبي فديتك

الله يسـهل دربـك ان كان ملــيت
لو كـان هـذي ياهـــوا الـبال نيتك

محمد عواد البشكمي

الى الان ياحلمي....محمد عواد البشكمي

الى الان يا حلمي بسجن الرجا محبوس
ردى الحظ موديبك على وين يا ملتاع

تخدر جريح الشوق من حالته ميئوس
ليا منه الخافق تعلم على الاوجاع

تغافلنه و طاحت بوسط الجماجم فوس
وحتى ضمير الناس ماباقي منه انباع

وصرنا مثل كاسن تمايل عليه الروس
 بنفس المكان ندور مركب بدون شراع

يقولون من يطرب على اصوات طق الكوس
فهيهات  ينفع به طبيب ن ولا اقلاع

تاخرت يادكتور ضرس ن كلاه السوس
الاوضاع ماهي مثل ماكانت الاوضاع

وجيهن عليها من ضغوط الزمان عبوس
تكالب عليها اللي بيرسم على الاطماع

تذكر هجوسي يوم قلبت انا المنكوس
ثمان السنين اللي حلاهن تلاشى وضاع

خوافي هموم ن لا توسد لها الهاجوس
تكاسل. ارادتنا  وتعاني  اذا ما طاع

طموم ن بعيده عنك يالواقع الملموس
وظاقت ولو كانت علينا وسيع القاع

امانه عليك الله ياحظنا المنحوس
اخذا ماتبقى لك وارحل بدون وداع

الاليت لو هي تندفع بالحظوظ فلوس
لاعطيه نص وزنه ويمكن ثلاث ارباع

#محمد_عواد_البشكمي

من روائع الشاعر احمد الرياطي

أصعب من احساس الضياع انك تخاف من الضياع
واكبر مصيبة لا بدت…  كل المسالك  مُبهمه

و اللّي مغاريفه  ذهب…   ما حس  ببطون  الجياع
والغبي  ما  يفهمك…  لو هو تعبت تفـهّـمه

والمسألة يا صاحبي …. ماهي مجررررد انصياع
المسأله   وضع الحلول…  اللّي تسوق الأنظمه

قالوا : إذا ودّك تُطاع ..(أطلب قدر ما يُستطاع)
وشلون  ترجي طاعته مَن فوق صبره/ تظلمه

أجمل معاني  بوحها   يكمن   بحسن الاستماع
والصمت حكمة نالها . من يكنزه في معجمه

هذي  طلاسم  مهجتي … لملمتها   قبل  الوداع
وارسلتها…  للّي فهم  سطري  وفك الترجمه
احمد رياطي