الـلي يعـشـي جايعات الـضـواري
لــدي وتلقيـنـي بــروس المـراقـيـب
ما نام طرفي وان غفيت اضطراري
دواس لـيــل ولا نـقـلـت المـكـاتـيـب
مانـي مـن اللي يتبعون الـطـواري
نسـاي لكـن ما نسـيـت المواجـيـب
فينـي بداوه وان بغيـتـي حضاري
اشتـاق للصحرا وسحر الرعابيـب
واذكـر نياقـي قبل جـيـب السفاري
ما دام جيتي صافـيات المشـاريـب
ما يدخل بسـوق الغـلا غيـر شـاري
مفتـوح بابي وابشـري بالمعـازيـب
شبيـت لـك مـا بيـن الاقـواس نـاري
تفضـلي بـيـن الضـلـوع المحاديـب
واسـوق لـك كـل القصايـد جــواري
مـا دام شبيـتـي بصـدري لواهـيـب
قلبـي يسـار ان كـان قلبـك يـسـاري
الحـب مــا هو بالغصيبه ولا طـيـب
يجـي كـذا مـن حيـث مـانـي بـداري
يجـتاح شرياني بشـتى الاسالـيـب
مالـه عـلاج ولا طبـيـب استـشـاري
ما ينشرى بالمـال لـو كـان بالجيـب
مـا هـو سيولـه عنـد بنك التجـاري
احسـاس غيـر وفيه حيره وتعذيـب
مـا بيـن مشتاق وخفـوق انتحاري
يا تاج معشـر ضافـيات الجلابـيـب
جعلـك بعـد ســارا وريــم وعــذاري
عيسى العنزي
ليست هناك تعليقات:
إرسال تعليق