خجل وجــه انتظاري من كثر ما أطــرق ابوابـــك
تعبـت اكتب تعابيــر الحــزن يـا فكــري الشــارد
تعــال ولملــم اشلاء الأمـل لا يمــوت باسبابــك
ضميــت وما لقيــت إلا ســراب وجيــت لــه وارد
غريــب وفي صحــاري موحشــه وادوّر اركابــك
أشوف الطير وجناحـه على غصـن الجفــا فارد
يغـــرد بي إلى صــوب الغروب ولعنـــة اغيابـــك
تحملـت الجروح اللي لفـت مــن سيفـك الجارد
أضمـــدهـــــا بكفينــي لجـــل مــا تبلــل اثيابــك
خلاص اشطب على الصادر وانا بمسح لك الوارد
طويتك مثــل ما تطوي نهايـــة صفحـــة كتابك
حسين الهدبان
ليست هناك تعليقات:
إرسال تعليق