الهام ابو ظاهر…….

الشوق له بالموق مزروع تمثال
هوجاس بعيون الخليل وخليله

وراعي الهوى مسكون في حلم الأطفال
كل الذي بالبال لازم يجيله

وده يطوله لوّ ما هو بينطال 
وإلا يعج الصوت في طول ليله

وأنا ببالي حلم عيّا على البال
وطفل المحبه فيّ ضايع دليله

والليل همّ وللعشاشيق سربال
والله يعينك يالعيون العليله 

ولا من لفاه الليل حاله غدى حال
تسهر عيونه والليالي طويله

ولا من ضناه الشوق وافراقهم طال
تحضر طيوفه وغيبته مستحيله

كم جيت احايل هاجس الشوق واحتال
لكن هجوس الشوق ما فيه حيله

#الهام ابو ظاهر