فراج الحربي

طاوي الياس مايبقى لحبك بقايا
              واسبب قطع حبل الوصل بينك وبيني
مابقي غير حاجه تحت عوج الحنايا
              ودي ادري نسيتي ماضيات السنيني
مابقي لك بقلبي غير حسن النوايا
        واصدقي ويش في قلبك بقى واخبريني
قلبي اصدق من الصوه بوسط المرايا
             عبر صدق المرايه طالعي واذكريني
منهو اللي يخبرني وياخذ هدايا
                 لاتكرم بتحرير الصدوق الرهيني
والعسل وموقعه دايم بوسط الخلايا
         وانت موقعك مابين البشر وسط عيني
مجمل البدو لوهم من حفاةٍ عرايا
           سحر هاروت مابين الهدب والجبيني
كل ماقت بدله ياحسين المزايا
               زارني طيف زولك ثم زوّد حنيني
صرت هايم بحلمي في بحور الحكايا
        حيلتي لاصحيت اصفق كفوف اليديني
كم للحب جرحا كم له من ضحايا
            مثل مجنون ليله مات هايم حزيني

الشاعر فراج الحربي