يا حبيبي قرأتك في حروفي كتاب
بعــد زانت بحور الشعر والقــافيـه
أتحــراك مــا بين العتـب والعتاب
نظرتــك رغــم نوبات الحذر دافيه
ما عشقتك متاهه وانتظرتك سراب
لين صارت مطاليب الهوى وافيــــه
ألتقي مع خيالك كــل ساعة غياب
علّ بشرى تجيني بالوصل ساريه
واترقب حضورك واتحرى الإيــاب
بين حد الرضا واحكامك القاسيه
يا حبيبي ترى الفرقـى علينا عذاب
لا تسلّــط علينــا نارها الحــاميـه
حطني في عيونك دام تلقى جواب
للمسائل حلــول ونظرتك شافيــه
واسقني بالوفا والود حلو الرضاب
شربةً منك يا كـــلّ الغـــلا كافيــه
زايد الحارثي
ليست هناك تعليقات:
إرسال تعليق