زايد الحارثي

جيتــك حبيبي من التاريخ عابر سبيــل
غياهــب التيـه تمشـي بي بـدون امتعـه

في زحمة الوقت والأحداث ضاع الدليل
حــتى تلاقيــت انا وياك فــي المعــمعــه

جذبتنــي والهوى مبداه يظهــر جميـــل
سلّمت بِسْم الهوى قلبــي وعقلي معـــه

وبعدما اسقيتني عذب الهوى سلسبيل
فليت في بحـر حبـــك يالحبيب اشرعــه

شفني أسيــر الهوى والهم عمره طويـل
والشوق يحرق ضلوعي ما قدرت امنعـه

أشقيت نفسي معك ميرالرضا مستحيل
متى عن احساس قلبك تكشف الأقنعــه

خليـت فكري لشيطان الوساوس مقيـــل
بغيابك اللي سقاني ضيق بعــد السعـه

يـا توأم الروح قلبــي فـي غرامــك عليـل
أرجـوك حبل الأمــل والوصل لا تقطعـــه

مشاعري تشتعل والصبر قل الحصيـــل
عطني مساحة غــلا والخوف بعضه دعه

ودي أمازحــك دام انــك حبيــب وخليـــل
الطيب طبعـك ومنــك الذوق يــا منبعـــــه

ودي اساقيك كاس الحــب قبــل الرحيــل
حـتّى تصير الثلاثه في الحسـاب اربعــه

ونقضّي الوقــت بين الحمحمـه والصهيـل
فــي عالـم الحــب لا راهــب ولا صومعـــه
                            زايد الحــارثي