دنيا مغروره....مريم السعيدي

(((دنيا غروره )))

عندي كلام في القلب نحب انطلّعه 
عندي معاني سردها بالشّعر
على الله مراكبي سايره
لانذل ولانهوّد راسي بتعكير
انطوف ونغربل في الرّمل وظلّه
ويا نفس ماتهوني لكل شيئ فمّ تدبير
تهب علي نسايم من اعتادوا المذلّه
نالوا المحبّة وخلّفوا كان العار
دنيا مايدوم فيها غير وجه الموله
نا عزيزة نفس وعزّي فيه تحتار
ياصاغي اسمع كلامي وافهمه
بالله حكّم العقل ياطامع ويا حضّار
الطّيب قال ماخلفت بنات ادنكسله راسه
قلّة القيمة ماتجيب ماتعلّي أقدار
نقللّك يابابا أرقد واطمان وانت يا يمّه
حظيتوا جنان وتحصدوا من الثّمار
هاالحياة من أوّلها كل نفس وسومه
وقالوا الاوّلين .النّفس نفسك وانت طبيبها
وين تحط نفسك انت تصيبها
ياصاغي خوذ وافهم واسمع معاني الغير
خوذ وغوص في الكلام. كل واحد وحرفه
الدّنيا غرورة واللّي قليل الاصل واش يدير
عاش من عرف قدره. ينال الشّرف والتّقدير
والخسيس خسيس مهما علا شانه
لايدوم عزّه وغمز لمواجير
الرّخيص بخيس .يضحكوا في وجهه
ونهار اللّي يطيح في المعاش يحير
والدّنيا لو غدرت يفرّج غير الله

---- مريم السعيدي----

______تونس الخضراء_______