على طاري البيـــــوت اللي ذكرها اغلى الغالين
طرالي بالهـــــوى غالي عزيزا حيــــل مقداره
ذكرته ليه يجفانــي وذكــــرت بخافقــي جرحين
وخنقتني عبرتــــي بذكراه وعصابي شبه منهاره
وقفت و للنجــــوم انظر وهلت دمعتي مـن العين
وسالت النجم وين الشوق ترانـي مضيـــع دياره
الا يانجـــــم جاوبني رحــل عنـي ولا ادري وين
مدري هو يذكرنـــي بعــد ماطـــال مشــواره
انا يانجــم حبيتــه وعـــذب خافقــــي المسكين
يجيني كــل يــوم بـــراي وفيني غير افكـــاره
ظلمنـــي قبــل مايرحــل يقــول اني احب ثنين
وانا قلبــي مولع فيه وكشف له خافي اســراره
الا يانجـــم خبرنـــي شفـــت انســـان له قلبين
قلب عــاش مـع غيـره والقلــب الثاني اختــاره
اذا قلبــي كــلــه له و لانـــي قاسمـه نصفين
الا يانجم وش يبغـــى يزيـــد بخـــافقــي ناره
امانه يانجــم الليــــل امانـــه وصـــل البيتــين
قبــل ماتنوي غيابــك امـــانـــه اوصــل لداره
وقله يقـــول مانســــاه لو عنــــي يغيب سنين
انا عـــاشق حــروف اسمه ربيع القلب وازهاره
ليست هناك تعليقات:
إرسال تعليق