تــوأم الـــروح تفــدى طلتــك الف روح
لــك حياتــي دقايقهــا وســاعــاتهــــا

العواطــف بحبي لك وشوقــي تفــــوح
والمشاعـــر سقتـــك احلــى ملــذاتـهــا

انت للنفس راحه وانت طــبّ الجـــروح
وانت للعيـن بهجـــتهـا وســلواتـــهـــــا

لــك بقلبـي تبنت  شامخات الصـــروح
عش تضاريسها واجمل مناخـــاتهــــا

يوم وصلك حبيبي مثـــل فتـح الفتــوح
تبتـهج لــي من الــدنيـا مــســراتــهـــا

دوم اناظــــرك واطيافك بفكري تلــــوح
معْـك تفتــح هواجيسي سجـــلاتـــهـــا

وامتطــي صهوة الإبداع واكتب وابـوح
لك عيـــون القصايــد تهدي أبيــاتــهــا

يا حبيبـي ختـــام القــول لا لا تــــروح
معك نفسي تحـــقق كـــلّ غـــايــاتهـــا
                       زايد الحارثي