( سارح ودايم حزين )
يمشي وحيدٍ في طريقه سارح ودايم حزين
من مشيته تحس في داخله همومٍ زايده
في مشيته ماهوب مركز لاشمال ولايمين
من قبلها وانا اعرفه مهيب ذي عوايده
مشيت خلفه ما لحظني واعرفه رجلٍ فطين
صوٌت له يافلان وقف بسأله واعايده
سلامتك وش فيك واضح داخلك حزنٍ مكين
قل لي وانا افزع بااللي اقدر كود تلقى فايده
قال اني قبل العيد يطعن خافقي سهمٍ سنين
فارقت من باني بقلبي له قصورٍ شايدة
الموت سيٌر صوبنا واقفى بمن حبله متين
ما امهله لحظة خطَفٌه من الحياة البايده
الغالي روٌح عننا وماعاد ينفعنا الأنين
عقبه حياتي مالها طعم وهمومي سايده
من يوم مات ابوي وإحنا صابنا حزنٍ دفين
هذي تصاريف القدر واللي إلاهي رايده
يشهد له المسجد وتشهد له صفوف القايمين
ويشهد له ايتام وثكالى وسفرته والمايده
ترى الأبو والأم مثل الغيث في ارضٍ بطين
هذي حقيقة قلتها ماهوب هرج مزايده
(احمد بن ناصر المحرج )
يمشي وحيدٍ في طريقه سارح ودايم حزين
من مشيته تحس في داخله همومٍ زايده
في مشيته ماهوب مركز لاشمال ولايمين
من قبلها وانا اعرفه مهيب ذي عوايده
مشيت خلفه ما لحظني واعرفه رجلٍ فطين
صوٌت له يافلان وقف بسأله واعايده
سلامتك وش فيك واضح داخلك حزنٍ مكين
قل لي وانا افزع بااللي اقدر كود تلقى فايده
قال اني قبل العيد يطعن خافقي سهمٍ سنين
فارقت من باني بقلبي له قصورٍ شايدة
الموت سيٌر صوبنا واقفى بمن حبله متين
ما امهله لحظة خطَفٌه من الحياة البايده
الغالي روٌح عننا وماعاد ينفعنا الأنين
عقبه حياتي مالها طعم وهمومي سايده
من يوم مات ابوي وإحنا صابنا حزنٍ دفين
هذي تصاريف القدر واللي إلاهي رايده
يشهد له المسجد وتشهد له صفوف القايمين
ويشهد له ايتام وثكالى وسفرته والمايده
ترى الأبو والأم مثل الغيث في ارضٍ بطين
هذي حقيقة قلتها ماهوب هرج مزايده
(احمد بن ناصر المحرج )
ليست هناك تعليقات:
إرسال تعليق