زايد الحارثي

يا ملهمة !!
يا ملهمــه وش لون  ينســاب الابداع
لــولا هواك العذب  يكتــب  حــروفـــه

اسـجّ مع  طيفك  على كــل مـطــلاع
والنفس مــن تذكـار غيــرك عيوفـــــه

لــولا خدودك بيض وعيونــك وســـاع
ما كان لــي فــي عالم الشعر شوفـه

شعري على طاري  محبتك مطــواع
في ليلـــي المظلــم تلامــع  سيوفــــه

والشوق يسري بــي وانا حيل ملتاع
ما همني في الحب  قسوة  ظروفــــه

لك في خفوقي قصر تحميه الاضلاع
عواصــف الايــام  تعجــــز تحــــوفــه

طوعـت في حبـك عصـيـات الاوضاع
عاشق منى نفسه مــلاقـــى هنوفــــه

يهــفــو لهــا شوقه ليا هــبّ ذعـــذاع
ويغيــب عنهــا ليـن يكــتب حـــروفــه
                             زايد الحارثي