انا الوفا ....الشوق طير

اانا الوفاا غيمه لها مزن وسحاب
           له بارقن ماينحجب في سحابه

يشع نوره في تلاتيل وهضاب
            حتى  يبشر  بالهنا  والرحابه

شيهانة" ما تقبل الذل ياعقاب
             ما نالها  مخلب  وناب  الذيابه

من ارض عزن يعربيه بلنساب
           من مهد تاريخ العرب وانتسابه

العز  داري  والكرامات  جلباب
           ماكاسي الا عذب صافي شرابه

اما الردي اقفلت من دونه الباب
           شاخ  الزمن  ياجالسن عند بابه

ليت الاماني لي خلايل واقراب
              تعاشر  اشواقي بحق القرابه

ماكان هلت من مهاديبها اهداب
              ولا بكى حرفي بصدر الكتابه

الوقت عرّفنا قرايب واجناب
            وشفنا الذي ماكان نحسب حسابه

لاتنخدع ياعقاب من ضحكة الناب
                    واياك  ثم  اياك تأمن جنابه

واحذر كثير الهرج ياخوك كذاب
               ياكم  كثير الهرج  ماله  مهابه

ولا تجالس هارج النم مغتاب
              ولا تعيب  انسان  هراج  عابه
#الشوق_طير