احبك ...زايد الحارثي

أحبــك أحبــك دوم والمستحيــل انسـاك
محبـــة وفــا واخلاص علّـت منازلـــهـــا

واحبك بكل ما فيـك من قــمّتــك لادنــاك
ولــي في تفاصيلك تفاصيل افصــلهـــا

عيونك خدودك ثغرك العذب كل اعضــاك
تغـــازل أحاسيسـي وانا دوم اغازلهـــا

أذوب بعيونك ثـــمّ اعرج لحـلــو شفـــاك
واميل على أطياب العسل من مناحلهــا

حلو يا حلـو كل الحلا فيــك يا محـــلاك
وحلّاك يالعـذب الحلو حـــلو ساحلـــهـا

ولي من نفسْك الورد ريحة شذا يغشاك
جناينـــك ما أطيــب نسايــم علايلــهـــا

ويا صــدرك الفتـــان ما بين هــذا وذاك
أمتـّع عيونـي لين تشفـــي غـــلايــلهــــا

وخصرك وردفك والشعــر كـلما غطـــاك
قصص شاعـري عيا معــي لا يواصلها

حبيبي عشقتك في وقوفك وفي ممشاك
سحابــــه خيالي دوم دايم يخـــايـلـهــا

تنفست حبــك لين صرت انتظر ملفـــاك
ويا حسرتي لــو غيبتك طــال طايلـهــــا

أحبــك رضا ولا غصـب بالثنين اهـــواك
محبة قـــدر ما جيتك انصب حـــبايلهــا

وجيتك غلا كل الغــلا يستحيــل اسلاك
محبة وفا مادامني حـــيّ اواصــلـــهــا
                           زايد الحــارثي