ابو ناصر المحرج

( كم كلمةٍ جابت مشاكل وغربال )
.
.
إجعل كلامك دايماً في مكانه

كم كلمةٍ جابت مشاكل وغربال

والرجل لازم دوم يحفظ لسانه

ويترك مجالس هرجها القيل والقال

جوٌد لسانك زين وَاحْكَمْ عنانه

إحذر يصيبك منه همٍ وإذلال

جسمك وما يحويه كله امانه

حافظ عليها وارعها بكل الأحوال

وكم واحد لسانه تسبب وهانه

من كلمةٍ زلت وما القى لها بال

ومن هو نقل لك في فلان وفلانه

لابد يهرج فيك لو الزمن طال

وترى سديد الراي راعي الرزانه

يلقى دروب الخير لو الدهر مال

واللي لسانه بين هاالخلق صانه

يعيش بين الناس محمود الأفعال

الرجل لسانه دايماً هو حصانه

قالوه مبطي في حسينات الأمثال
.
.

( ابو ناصر المحرج )