في مرّها تجمع حلاوة شهدها
من دلتن صفرا تلاصف على نار
عود الغضا... عقبه تجاور رمدها
لامن صفت فنجالها يصنع افكار
افكار بكرن أرتشف من مددها
وابري القلم أكتب على اللوح تذكار
تبقى إذا غاب الجسد في لحدها
سجـيتلي في رحلة العمر مشوار
وكثر التجارب كنز. للي حصدها
نظمتها جزلات بحروف واشعار
واهديتها للي صدفها ووجدها
ومن يمتطي حرفه يبي صيت واشهار
يثقل على شماله كتابن رصدها
بعض القصايد لو غدا حروفها قصار
من طيّب المضمون ماحد نقدها
نطرب لها لو كان بالقاف تكرار
ومزخرفات الحرف ماحد وردها
اثمن مواقيت الرجل سجدة اسحار
فاضت دموع اللي توضا وسجدها
يطلب نعيم الاخره. طيب واثمار
يومن سجد جنّه من الله شحدها
وابخس مواقيتن بها لعبة قمار
عض الندم لو فاز منهو شهدها
الوقت يمضي وعمرنا ايامه قصار
والخاسر اللي بالمعاصي فقدها
اجمل وصوف الطيب الواصل البار
ويااااشينها رجال… امّه جحدها
تفني من اجله عمرها حب وايثار
ويومن كبر عدّه ولا هو ولدها
الشهم اللي يحترم حرمة الجار
لو هي تكشّف جارته ما عمدها
ويااااا حيف من رجال ما يكتم اسرار
اللي على اسم الله حلل جسدها
درب الكذب مكشوووف وحباله قصار
ولو نخفي الكذبات بانت وحدها
الكذب كذب ومااابه كبار وصغار
واللي تعلق بيه غايب سعدها
واللي شهد بالزور ما تقبله دار
ودرب الكرامه مااااوصل لو نشدها
ابعد عن دروب الهوى قَل مِقدار
اللي دروب العشق زار وقصدها
جرح القلب ما ينفعه عشب عطّار
وان كان بعض جروح تبرى وحدها
وعين الحسد بارود بالغِل هو ثار
واول صويبه عين بيها حسدها
لا سرت حالم بادر الحلم باصرار
واللي يبي الطولات نفسه جهدها
افتح دروبك بالصخر اهدم سوار
خلي سحاب الروح يدوي رعدها
الغاشل يدور قبل يوقع اعذار
والناجح اعذار الهزيمه وأدها
ما هو بصافن يحرق النار بالنار
ينفخ على دخان صدره كمدها
العز. ماهو متابعة .. نشرة اخبار
العز صنع اخبار فعلك وجدها
واخر كلامي عد ما نزلت امطار
صلي على من للشفاعه وعدها
احمد الرياطي A.r
ليست هناك تعليقات:
إرسال تعليق