الكل من آدم وربك حسيبه
ما غير حلو اسلومنا تنهض الراس
والرجل ما تمشي بدرب المعيبه
عيّت علينا نخوض مع درب الانجاس
بالذم والنمّه وهرج المغيبه
وانهد للمعروف وانكد الانفاس
ونزهى ليا من قيل ما هي غريبه
نغنم هبوب الطيب مع كل نسناس
لا حسّبوه أهل الحسايب ضريبه
ولا هي عجيبه هدة الطير قرناس
وإلا الرخم لا هد هذي عجيبه
لا صار صافي حر وأمسىّيس الساس
وآبوه من وكر الحرار العريبه
والذيب ذيب وطبعه الذيب عساس
لا جاع تالي الليل تسمع قنيبه
ما هو دجاج ولا ضوى ليل الادماس
يضوي على خمّه ويعلن مغيبه
والجود حر جلود واجهود وإحساس
والعود لولا الحرق ما جاك طيبه
ابراهيم أبورويس
ليست هناك تعليقات:
إرسال تعليق