ضعت بين العتاب وبين شوق العيون
سلهمات العيون اسمع بعدها كلام
فيه نبرة ملام وفيه صوتٍ حنون
ليه تقسى بطبعك ماتخاف الحرام
سبتك مخطر إن عقلي يصيبه جنون
كل ما قلت زان الجو زال الغمام
ترجع لعادتك وتزيد فيني الشجون
ماهوى القلب غيرك من جميع الأنام
من هم اللي إذا قرٌبت لك يمنعون
تشوف زولك عيوني لوني في المنام
واتمتم اسمك ولو حولي بشر يسمعون
افرح إن كان شفتك واعيش حب وسلام
شوفتك لي مثل ارضٍ غشتها المزون
واشيل هم الفراق اعيش وسط العتام
النظر مايفيده صغر وكبر الجفون
مسكين راعي الهوى ماعاش لحظة وئام
من زمن قيس وليلي والبشر يشهدون
احمد بن ناصر المحرج
ليست هناك تعليقات:
إرسال تعليق