اسرح واقول… احمد الرياطي

أسرح واقول: 
المعذره يا غااالي… 
لو كان تتكرّم .......  تعيد الـسالفه

ويكرر المسكين
قلت…  وقالي!!... 
 ولا كنّه قبالي. ….   ولانـي شايفه

للنااااااس موّالٍ
ولي موّالي
باللي اشغلتني في حَسِين وصايفه

يا قلب
ماااالك بالغرام ومالي
درب ن  طواه  البعد .. لـيه تخالفه

هزيت عن كيف الهوى
فنجالي
ونفسٍ خذاها  الوقت ماهيـ بكايفه

ألأرض….. 
ما تنبت عشب وغلالِ
لا غاااااااب ساقيها  وظلّت ناشفه

والعود 
ماااايطرب ولا يصفالي
دااااامه  فقد في دندناته  عـازفه

يا كيف اعشق
والهوى يهنالي. ؟!!… 
وجرووووووحها بنت العروبه نازفه

والمنزل اللي
ما بقا منزالي
يقطع  طناب  البيت  قبل العاصفه

يا سوووور 
وش هدّك وأظنّك عالي
وش  كتّف أُمّه من قبل.!!   متكاتفه

لا صار
ما غير الوجع بذفالي
لو هي تجوع النفس .  ظلّت عايفه

وان بااات حبري دم 
من يقرالي
وترويسـة الديوان..(عُـبْـوَة) ناسفه

واللّوح من
صلب الكرامه .. باااالي
وال خط يرجف والاصابع…  خااايفه
احمد الرياطي