رساله الى الرئيس الامريكي ترامب… محمد عواد البشكمي

رســـاله الى الرئيس الامريكي دونالد ترامب
-------------------------------------------------

طلبتك يالـرئيس ترامــب فديتك يالقــرم لاهنت
دفعنــي شعور خــلاني اجيلك للبنت خـــطاب

تخالـط بالهـجوس افـــكار كاني قبلــها ماكنت
صـدق والله المثل لا قال صـحيح ان الهوا غلاب

شعور انتــابني ياتــرمب  كاني لحبــها ادمنت
فديتــــك لاتفشـــــلني ليا من جيتــلك طلاب

درست شعــوري التايه وبالتفـــكير انا امعنت
لقيت ان الامــر عادي على شـــرع الاله كتاب

اغير حالها من حــال عساني بحـــالها احسنت
استـتـــــها واحجبـــها واخــلي ثوبها جلـباب

طــلبها قبـلي فلــيح وادري ماعطـــيته  أنت
كثير اللي طلبو يدها ولااحــدٍ منكْ نال اعجاب

ابيك تفكــر وتسال تمحـص واســتشير البنت
 ولا تسـتعجل بردك واســـأل لو تبيـنا احباب

وعلى لا تطمع باي مال فقير ومابجيبي سنت
ترى الاموال ماتغــني اذا كان الرجل كــذاب

ٍعلي أسال قبل تعــطي تراني للمـوده صنت
عرب حنا بشـاكم للضـــيوف مشــرعين الباب

علـى صلف الذواري وجوهنا وجلـودنا اسمنت
رجالٍ ماتهاب الموت على وضـــح النقا وذياب

بدوي وآنا افتخر ياترمب على لوح الفخر دونت
صغير القوم ماهـــــمه اذا بليل الدجى حطاب

انا راح انتـظر ردك على الله وعليــــك اركنـت
وفكـك من هذول اللي يقولون العــرب ارهاب

بقلم محمد عواد البشكمي