يشكـي عذاريب الاوادم وآلَعفون
العــلم ياصـــلهم تــرى ويتعده
يللي على زيف المشاعر يسلون
من زعـلك ملعـون أبو جــد جده
منهو يزعل بالـحلا زهـرة الكون
أدري بأن الكــــل بالوصـل وده
لكن على ماقـال هيهــات يجنون
كلن ترى طيره على الوصل هده
عل وعسـى يازين قلبك يصيدون
لاصار فـي جــرح المـوده موده
ماهمهم من جـرح لوهـم يموتون
حبل الوصل لاصـار كلـن يشـده
راح الحبل مابيـن عاقل ومجنـون
وآنا اهـوجس لي مع الـفكر مده
وعجزت أفسر داخـلك سر مدفون
كلن يشوف الشــوف بعـيون لده
وانا اشـوف أن الغلا فيك مرهون
مرات أقول أنك خيـــال وتبــده
واحيـان اشوفك واقـع ودر مكنون
لا جيت ابوصف حالتـك (مستبده)
صــدّك ولا يشبه تفاصيـل مزيون
لا ياوداد القـلب وش فيـــك حده
فكي قيود خطـاك خلهم ييدوجون
توقف هواجيس الفكــر مستعده
لو كان لحظه في خــيالي تمرون
وآسـوي من عـوج الحنايا مخـده
يمكن على احساس المولع تحنون
يمكن سمعت القول من ناس عده
وادري تقـولي بكل وادٍ ييهمـون
انت اللـذي لا قلــت نبقـى نوده
وانت اللذي لاقلت اي والله تمون
يافاتـنه صبــري تـرى جاب حده
ماهـو كده الحب واللــي يحبون
لامـن ندهكْ الشوق والعمر عده
لاتجعل أحساسك على الرف مركون
أختر لقلــبك يالــغلا مــــن يوده
وأترك هل الونات واللـــي يونون
لاتجرح أحساس الخفوق وتصـده
يكفيه من جــور الليالي الف لون
بقلم….. محمد عواد البشكمي
ليست هناك تعليقات:
إرسال تعليق