اهلا حبيبي ...زايد الحارثي

أهلا حبيبي !!
أهلا حبيبي قبـل اعزّم على البوح
تعال نرقــى شامخــات  النوايـــــد

وان غنت الورقا  نغمها على الدوح
تعال ناغمهــا على قــاف  كــايــــد

مهلا حبيبي  فاح عطر الهوى فوح
وانسقت مع طيفك  غرام وقصايـــد

واهديت لك قلبي على صهوة الروح
واسرجت لك من خيل شعري فرايـد

أهلا هلا بالقلب لك قصـــر مفتــوح
فيــه الغــلا موجود والحـــبّ زايــــد

تعال نقضي وقتنا ضحـك ومـــزوح
ما في الهوى والحب عنصر محايد
                      زايد الحارثي