البارحه....زايد الحارثي

البارحــه ذعذع مـن الشرق نسناس
حـــّرك بفكـــري نايفــات المثـــايــــل

واشتقت للهاجوس في وقت حساس
ما لـــي رفيـــق الا بروق المخــايـــل

يسوقنــي للبوح واحـــد من النـــاس
حبه مسوي فـي حــياتي هـــوايــــل

أعنــي هنوف العــز مرفوعــة الراس
حـــرّه وتســوى في عيونــي قبايـــل

مـن شانها ما قارعت كاسي الكاس
شيــدت  لــي فــوق الثريــا منـــازل

والشعر له عندي مكانه ولــه ســاس
شوف القوافـــي من فخَرْها تمـــايـل

مبنى على معنى وتصوير واحساس
تتعـب  شواردهـا ظهــور الأصايـــل

لو عذربوني بعضهـم  قلـــت لا باس
السيـف يثلـــم مـن  كثير الفعــايــل
                      زايد الحارثي