ذكــــرت والــذمـــه عــلـــى من ذكــرهـا
والـريح سـاقـت لي شــذاهــا هـنـيــه
جابت ذعـاذيـع الـشـمــالــي خــبــرهـا
مــيــعـــادها والليل والــســـامـــريـــه
لـبى مــواعــيـــد الـغـرام وحــضـــرهـا
وتمـــم ببدره ثـم الـــقـــى الـتــحــيــه
وقـــفـــت لـــين انه تـــدلــــى ثــمــرهـا
بـاقـطـف واشــكــل عـطـرها مزهريه
طاح الـخمار بـستر ربـــــي سـتــرهـا
وورد خجلها بالخــــدود الـــعـــذيــــه
سال الغــرام وفــالــجـــات بـثــغــرهـا
احلى ثمان(ن) بـــرقــن بـالـشـفــيــه
من شالها ( روحي ) تضايـق شعرهـا
لبيه يا شـال(ن) سـحـبــتــه عــلــيــه
ثارت مـفاتن والـجــفـول اخـتـصـرهـا
وانسل من يمنـاي عـــــذب الـثـنـيــه
لبيه يا مــبــســم تــجلـى بـقــمــرهــا
كن الــثــنـــايا لـوحتن عــبـــقـــريـــه
لــبــيــه يا ســلســال هام بـنـحـرهــا
اسوارته تاخذ شــــكـــل لــولــبــيـــه
الـخصر مياس بضموره حــشــرهــا
واحرج ردوفن تـنـتــشـي نـرجـسـيه
ورمــوش كسـلـى للنـواعـس كـسـرها
ثـمـلـى حنان وفي لـحـظـها مـنــيــه
دعج(ن) على روس المشاعر شهرها
لا قلت واحد وقــفــوا فـــــوق مــيـــه
شـط الـكحـل حـط الـمـواني حورها
والاشــرعه مـيـعادها في صــبــيـــه
كن الـيخوت اللي ضفاف بـبـحـرهـا
وقت الـغروب ونـسـمة(ن) سـاحـلـيـه
والا اشـفـتـيـهـا جمرتين وصـهرهــا
ليا ضـمـها تـمتم خوي مـــع خــويــه
جدران روحي عـامرات بـصـورهـــا
جازي تبختر بالحــشـا فــوضـــويـــه
دفــنـــت اسمك سر لـكن جـهــرهــا
مـا غيـر ( روحي ) في خفـوقـي بنـيـه
عل الـسـحـايــب ما تـغـادر مـطرهـا
تسقي مواعيـد الــــغــــرام بــــرديــــه
تـنـبت مروج(ن) والـقميري عـبـرهــا
وتـــزهــــر ثـراها دوحة(ن) بــابــلــيــه
عيسى العنزي
ليست هناك تعليقات:
إرسال تعليق