الاياوجودي وجد من هم صدره طال
تخـمه هـواجـيسه عـلى الـنار والـدله
يسولف عليه الي معه مادرا وش قال
ولا يدري الي زايره وش تخيل/لـــه
عيونه تشوفه وصورته كنها التمثال
تبسم ولكن كامل العقل يفطن/لـــــه
هواجيس في صدره تحطم طويل البال
تحده ضروف الوقت لين الزمن سله
يقولون عـقده كــلك عـقده لها حلال
ولا كل عــقده تــجرح الــقلب مـــنحله
ولامن صديق/ن له ويشكي عليه الحال
تزايد هــمومه شــال هـم البشر كله
لو الود وده يرفع الصوت بالـموال
ولكن سلم/ن للعرب خاف من ظله
يدار الهموم وكن صدره عليه جبال
لـــيا خــفته عله تـزايد مــية عـــله
ولا كل جرح يجرح الادمي ينقال
يموت الطبيب وداخله ما توصل/له
تحت رمش عينه دمع لودمع عينه سال
تشوف الدموع الي على الخد منهله
يحب الوفا والصدق مير الوفاء قتال
ولا كل غايب يفقده قلب يرسل لــه
الا يا كريم الوجه يا طيب الافعال
تروف بعزيز ما شكا الظيم والذله
صخر
ليست هناك تعليقات:
إرسال تعليق