تنسج خيوط الشمس من بعد الظلام
بـرواز لـوحه مـن سنا واهـج النور
في راس ظلعن طاب مع هب الانسام
في مهمهن عـن حنة الخور مهجور
اطلال حالت حول عن وطي الاقدام
مبطي ونسها عن وحشها له دهور
كفوف انحتتها صدق في حب وهيام
رسم الطفوله وشم في صم الصخور
طفلين كنا صغااار مانعرف اخصام
عشنا على السلوى وضحكتنا سرور
نسرق من اللحظات حلوات الايام
تـسـابقـت خـطـواتنا نقـطف ازهور
نلعب وﻻندري عن احساس الغرام
مانحسب ان االوقت يسرقنا شعور
ولما كبرنا ما تهاادينا السلاام
كبـرت بنـا العـفه وتجـاهلنا امور
سرنا نتحاشا الناس عن رد الكلام
نخشى عيون اللوم ونظرات الحضور
واليوم سرنا اغراااب في وسط الزحاام
سارت لنا الفرقا في معصم الشور
تاهت بنا الأقدار واصبحنا حطام
وحلم الطفوله مات بالصدر مقهور
واللي بقا من الحب رسومن وطرسام
وجرحن قديم وحرف بالقلب محفور
واطلال للذكرى على طووووول الايام
ما تنمحي تبقى على مر العصور
مرت عليها ريح خمسة عشر عام
وكن البراءه شيدتها من شهور
الشاعر مخلد الزوايدة
ليست هناك تعليقات:
إرسال تعليق