واكتب رساله للخوي واستشيره
لنه شريف وبينهم يصفط الخير
واليا بغيت الراي ماجيت غيره
عبدالله الي فزعته تسبق الطير
واللي يســد بوقفته عن عشيره
ماجيت متردي ولاعاكس السير
ولايديـــني ب المراجل قــصيره
وان هبت رياح البشر والأعاصير
انا آآتـــقدم للنـــفوس الحقيره
ماني مقـلبها على جاة وتصير
حتى لون ضــروفها مستديره
ولاهمني لو المــصايب طوابير
انا شجاعً ماسئل عن مصيره
لكنها جـــتني قـــويه من الغير
طلقه رمتني والأصابه خطيره
وشانت يبن جابـــر علي المقادير
وانا عــزيزن مارضى بالكسيره
ثم ادفـعـتني بين جرف ودحادير
بشيً قهرني وان شكيته معيره
ودنياك من قبلي خذة سالم الزير
وش عاد لــوّ تــردني للسعيره
وتدري وش الي يفتلن المعايير
اليا لقيت انسان مجحود خيره
#الشاعر_حامد_العنزي
ليست هناك تعليقات:
إرسال تعليق