الجديد اللي أقوله فيك .. ما احسّه جديد
لْانْ جزلات القصايد .. تستلف منْك الجمال
كل ما جيت اوصِفك تبقى المميز والفريد
في عيون اللي يحبك مال احد غيرك مجال
انتشى حبي بحبك ... كنه الطفل الوليد
والرضيع اصبح كبير وصار من ضمن الرجال
الحلا والذوق والاحساس يبقن لك رصيد
وكان قالوا لك نسيتك تدري ان هذا محال
لو يحس اللي أحسّه شخص باحساسه بليد
كان شفت الشوق في قلبه يزيد الإشتعال
أكتب ابياتي وانا ادري لو أقول ولو أزيد
ما أظن الحرف ياصل روعتك لو بالخيال
توفيق العطنه
ليست هناك تعليقات:
إرسال تعليق