تشكي ضما والحال بالليل حاله
اكتب بقافن فذ ماهو بمسبوق
وارسم معاني قاف تنطق خلاله
انشهد انه بيني وبينه افروق
مير الشعر وهبه ولاهو رجاله
قل للغشيم اللي حدر قافه يروق
وليا اعتمس ينقل علينا كفاله
الشاهد الله سرت بالحيل مخنوق
من عالمن بالشعر تحسب حثاله
مابه مطر والسالفه رعد وبروق
لوهي عزاوي كان كلن وخاله
خذوه سلعه واغلب الحرف مسروق
ياحيلة الله قصروا به حباله
السالفه مجانن البهم واربوق
ذا سلمهم امضيعين الجزاله
صفق لهم مهبول مع كل مطفوق
وصدق فقير الشعر واعجب بحاله
لكن قالوا كل مطرود ملحوق
يالله فك الشعر اهل الخباله
ومع كل هذا باقين راقي حلوق
امجنبه بيت الشعر للبخاله
تعنا به العليا وترقابه لفوق
ترضي غروره لينه يطيب فاله
ابوشامي
ليست هناك تعليقات:
إرسال تعليق