ابو موسى السايغ

ياصاحبي طال انتظاري اتصالك
         ليلي سرى ولاذاقت عيوني النوم
مشغول قلبي فيك ياكيف حالك
          علك بخير  و لا على قلبك هموم
و   الله   مافارق  عيوني  خيالك
        و اتخيلك  في كل  لحظات باليوم
متى متى  ربي   يقرب   وصالك
        اللااه   والحرمان في قلب محروم
غيرك من الحلوات  محدن بدالك
       واللي فرض لعباده الحج   والصوم
اخترتك بروحي   وروحي فدالك
        طولت  مادقيت  مدري لك   علوم
كانك بخير  وجو  حالك  صفالك
     هذا الذي به خاطري لك  على الدوم

خالد مشيلح وريكات

انـا الفنــان والنــاحـــت
انـا مغـــرور يــا بنيـــــة

وانا لجل انهـا صاحــت
حسبـت ان البـــلا فيـــه

ويــوم بســرهــا باحــت
بتذكــر حـــال ســوريــة

بكت من بعدها وناحــت
بهــا ضــربـات روسيــة

شعب ملبوسهم كاحــت
غـــدا سنـــة وعــلاويـــة

بحربن دامها اشتاحـت
خــذت خمســين بالميـــة

ويومن شفتها ارتـاحــت
بعــد دعــوة سمــاويــــة

ودمعت خــدهــا لاحــت
نويت اضحك على النية

مـدام حـروفــها فاحــت
هنا البسمة ضــروريــة

مفاعيلن ولــو صاحــت
وزنـها شلــون يا بنيــة

بعلم وش وزن طاحــت
عطينـي الفــين روبيـــة

عطتني بسمة وراحــت
رح العب طاق طاقيـــة

سطور بشعرنا ساحت
نبــي فــزعـــة اردنيـــة

                    #خالد_مشيلح_الوريكات

الشاعر وليد الحنيطي

يوم الخلايق كان يجمعها فنجال
الطيب  كانت  الحياة  لها   لذه

ويوم كانت الخلايق شرفهاالعقال
كانت كلمة الحق  بلا قيد وحره

ويوم كانت النصيحه تعادل لجمال
يقبلوها على  طيب  فنجال  ودله

واليوم  تجوع محدن عليك يسال
كلن ملتهي بدنياه وناسي اصحابه

ياحسافه الناس ماهمهاغير المال
تبيع اقرب ناسها  لجل المصلحه

واليوم يسال عنك اخوك  بالنقال
والحجة مشغول  وياكثر   بلاويه

ربي يكملها بالستر ويصلح الحال
ويبدل  حالنا(ب)  احسن   منه
الشاعر وليد الحنيطي

عبد العزيز الشريف

افترقنا  ثم  جمعنا  الشوق  بحلام  الكرى
ليت  لي  بالنوم  عاده  مثل  عادات  السهر

يابعد  كلي  ومن  لي  ليتني  لاسمع  وارى
غير  وحيك  لا  ضحكت  وغير  وجهك  لا  سفر

انبرى  فيني  هيامي  عقب  صدك  وافترى
واثخن  سويداي  وانا  في  غرامك  منتحر

اقصد  الأشعار  لجللك  وانت  كنك  ماترى
نوب  توهمني  ونوبه  تتهمني  واعتذر

بعتذر  لك  كثر  ماودك  بلا  ذنب  و  زرا
بس  لا  تزعل  علييه  وأدرك  اني  انتظر

ساهرن  ليلي  بروحي  ملتحف  وهم  العرا
اسبر  الجوزا  واراقب  طلتك  مثل  القمر

وانت  تشرق  في  زحل  مدري  عجبك  المشترا  
ماعدت  تفزع  لسهارى  طلتك  تالي  شهر

،،،،عبدالعزيزالشريف ، ،،،

ابو هيثم المعشني

اي نعم اكتب ابيات ربما بعض اشعار
            بس حسي مع الناس واحمد الله على الحس

استمع للي يمليه لي ضميري كما الطار
           وانتعش   وسط  ناسي  مثلما  لبسو   البس

بالقناعه وبالنور الالهي والاذكار
              بوخنس  ما عرف داري  ولا داري  يخنس

وانت خيل بكوكب مقفر الاهل والجار
              في فلك رسم زيتي من شعورك يحسحس

أعتقد حدك اغرور وانطوا ماله أعذار
                 دوم تعليق للناس سخريه دون م تحس

يابنادم حياتك   اغتنمها   كما   دار
                    في حقيقة  حياتك لا خيالات مجلس

شوف وقت البريه مثلما السيف بتار
                   من يعاند طريقه في الغياهيب يندس

نرجسي؟اخطر احلام التشتت والاسفار
              وانت ليلك ويومك نرجسي وسط نرجس

ايش يعني المشاعر غير تشعر باخبار
                    في تذوق هموم ن أو فرح لك تنفس

كم شبعنا حبيبي وروح روحي وتذكار
                      والمدامه على وقع الصبابه عرندس

قد رواها امرؤ القيس ودايم السيف ومحضار
                   ولا جديد ن تجيبه بعدهم يا مهندس

حس بالناس احسن قبل تبكي وتنهار
              او يجيك البلا من كوكبك بعض من مس

أبو هيثم المعشني

فريج عتيق المزيني

مشتاق انا والشوق ماعاد يمديك
تكوي الفؤاد ألي من الشوق ذابك
ياكم انا  وياك   والشوق  حاديك
نسهر  طويل الليل ع همس نابك
صديت عني  عقب ماكنت مغليك
وجرحت قلبي جرح يبرى صوابك
سجيت رجلي في مشاوير ماضيك
أمشي دروب الشوق وتبع سرابك
لامر في بالي من الطيف طاريك
قمت   أتهلى  شوق يا مرحبابك
قمت اتمنا شوف حضرت معاليك
ضيعت عمري في حلايا شبابك
ابني صروح ن للمحبين تاويك
وافرش زلال الشوق ع درب جابك
واخلف هقاوي من تمنى يواسيك
وابذر تقاوي طيب وجني خصابك
واليوم لا والله ماني  مداريك
أقعد تفنن في وسايل عذابك
انت لبست الكبر والثوب مطغيك
مدري ضوابك شوق ولى سرابك
باكر يفوت الفوت والنفس تقديك
ترجع تجر الشوق حضرت جنابك
بحسابك إن العد يبقى مصافيك
شمس الوفا غطى عليها سحابك
ماهي على كيفك ولاهي بياديك
ثوب الهنا ما كل وقت ن زهابك
انا بداية حلمك ألي أنتهي فيك
وانته نهاية حلمي ألي بدابك

شاعر سينا..... فريج عتيق المزيني

الشاعر ابن ظاهر

البارحه صدري من الضيق محتاس
جابت له الذكرى علوم(ن) قديمه

اعلوم بانت من وراهـــا تبـــلاس
ماهي وخيمه بس صارت وخيـمه

الله يالدنيا علـى كــل مقيـــاس
فيها النديم اليوم فارق نديـمـــه

لفت على هامة وسيعين (الاقـواس)
اهل النفايل والفعـــول القسيمـــه

هزت ومالت للرخم واهل الافــلاس
تصفق لها  يد السوات اللئيمــــــه

ابديت اكافح والمجاهيـم تنــداس
تاهت على اهل العقول السلـيمــه

الدرب دربي ماسلكه من الاجنــاس
الله اكبـــر غرّنــي في نسيمــــــه

شبت وانا شيبي فرقني عن الناس
شيبآ نهض من بادي العمر ضيمه

الشيب ماهو بس وقارآ على الراس
الشيب قبى خاطري في جحيمه

ساسك يعل ماهزك الريـح ياساس
خلك متين الساس منت بهديمـه

ماصار ذيب اللي من الوقت منحاس
ولاصار حــرآ من يقابــــل حريمـــه

الذيب ياخذ عنوّتـه دون حــراس
من دون جزيـّه لا ولافيه قيـمــه

والحر الاشقر ماكلى لحم الافطاس
صيده جزل ماقدمـــوه بوليمـــه

لاتنخى الا من ورى عمرهــم باس
بعض البشر تلقى حيـاتـه سليمه

ماخذ مفاهيم الحياه لهو(ن) وكاس
وعند الشدايد انتخــى بالهزيــمه

اليا نخيت وفزعتك صارت احمــاس
تلقى بني صخرٍ على الشده غيمـه

اللي لفاهم عـ الجبينين ينــبـــاس
واللي تحراهم اعلـــومه حمـيـمــه

يبشر بعز ان جات له حـمر الاطعاس
حمر النواظر ع المواقــف مقـيمــه

وانا تراني ماجبـــــت احــد بمساس
كل الخلايــق عنــــــد ربك كريمـــه

الشاعر ابن ظاهر

الشاعره مجد

هبوب ياعذب النسايم تهفو على عليل.ن استحلو ضياعه وجدي عليهم يوم راحو وقفو وجد اللذي قد فاطمته الرضاعه شالو حمايلهم وحلو وكفو من بعدهم داخل في القلب لاعه يانبض قلبي بالمحاني يخفو ضنيت موتي بين لحظه وساعه ساهر بليلي و لا عيوني يغفو من عقبهم بالناس مافي قناعه ارثيتهم إحياء ماظن يلفو وماضن يوم.ن ارتجيهم شفاعه شالو بديهم نور عيني وطفو طفو سراج.ن قبل يبرق شعاعه يا لله علم.ن في لقاهم يزفو وحدك عليم وما بدينا استطاعه مجد.

شاعر الجنوب

اتفطر الجاهل ليا هبهب الثوب الي على بير الغلا طاح ضامي خفو المهر يا عل اهل الخطا اتوب ومن حرهم ما يجرحون الصيامي لا درهمت يشبع بها الخافق عطوب من شوف عينن ما تعرف الملامي ونا اقول الشي شوبن على شوب خافن من الله يا نجوم الضلامي وخافو من الله ولا يجي العد مقلوب ونسير تحت الصفر والصفر حامي يا عابد الدينار والستر مطلوب خف المهر لا تأمرو بالحرامي شاعر الجنوب

الصبر...علي بن سعدون

قصيدة    ((  ألـصـبـر  ))

ألآدمــي دآيــم عـلـى ألـدُنــيا عَـجــول
رآكِــض ورآهــآ كـأللـذي يَـتبـع سَــرآب

وألـنفـس أمّـآره بـها ألـشـهــوه تَـجـول
تَـهـوى ألمـوآنِـع تَـمتهن هَـتك ألحجاب

تـتبـع لـرآحـتها عَـصَـت زُهــد ألـعقـول
مـاهـمها ألـمحظـور لـو بـعــده عَــذآب

لـكـن مَـن يـصـبُـر رِضــى ربَّــه يـنــول
يكبح جمآح ألنفـس مِن قـبل ألخـرآب

ألـصـبـر مِـفتاح ألـفَـــرج مـهما يـطـول
مـآ ضَـآقـت إلّآ وأنـفتـح مَـلـيـون بـآب

بـألـصـبـر تـلـقـى للـكَــدَر عِــدَّة حـلـول
مَـن طآل صَـبـره مـآقَصَـر ظَنّـه وخَـآب

لـو بـآيضيق ألصـدر مِـن كُـثـر ألحمـول
فـألـصَبـر لك طآقـه علـى تِـلك ألصِعآب

بـألـصبـر وألطآعـه تـرى ألـمِحنـه تَـزول
مَـن يَـحتـوي للـصَـبـر مـآيـلـقـى عِـتَآب

صَبــرك عـلـى ألـدُنـيـآ ومـآفـيهآ وقـول
ألـمُـرتَـجَـى مِــن رَبَّـنـآ حُـســن ألـثَـوآب

يـأللّٰـه تَـفتَـح بـآب مِـن لُـطفَـك شَـمـول
يَجمـع لـنآ بـألـخَيـر فـي يـوم ألحِسـآب

وأفـتَــح لـنـآ يـآرَبَّ كُــل بــآبــاً قَـفَــول
مِـنكَ ألـكـرم وألـجـود ألـهمنآ ألـصَـوآب

وأجـعل لـنآ يـآرَبَّ مِـن ألـرحمـه قَـبـول
وأختِـم لـنآ بِـألخَيّـر فـي حُسـن ألمَئآب

ألشاعر / علي بن سعدون بيت سعيد

اشم ريح ...زايد الحارثي

أشــمّ ريـــح الفراق وكنــت مستبعده
ولْكــلّ حــزّه مشاعــرها وإحساسها

الغيـــث نتوقعـــه مــن بارقــه ورْعــده
ونضرب احيان بالأخماس اسداسها

لكن علــيّ انتظــار الأمر في موعـده
وكــلّ حالـــه نقايسها بمــقــياســهــا

عســى تزيـن الامور وتهـدأ الأفئــده
وتعـود الاوضاع مبنيــه على ساسها

ونلتقـي بعـد غيبــه والأســى نطــرده
وتقرع الكاس لــي واقرع لهـا كاسها

ونواصــل دروبنــا والكايــد نمـــهــده
نطـرد كليب البشر عنا وجســاسهـــا

ونعيش والحــب يجمعنا على مـــورده
فسحة أمـل بين هاجسها وهوجاسها

عســى مع الوقت نبلغ كل ما ننشــده
ونفوسنا بالأمل تقضي عـلــى ياسها
                         زايد الحارثي

معاذ العجاج

سقت الحنين وطاعني وانتخابك
وسرت بدروب الشوك والريح عاتي
غازلتني بحلم وتزايد خصابك
وجفت ينابيع الامل في سكاتي
يا فرحة الاقدام عزي مصابك
دمك رسم اقسى طريق بحياتي

#بقلمي#
#الهاملي#

طلت علي....زايد الحارثي

طلّـت عليّ بليــل نجمـه تلالا
يا ما حلا الطلّـه ولا كـلّ طلّه

اهلا هــلا بــك لا تردين لا لا
ياحظّ من زاره مع الليل خله

الله وهبهـا حسنهـا والجمالا
وانا وهبني حبهـا العمر كله

سبحان واهبها حلا واعتدالا
شبه القمر لوغاب تقعد محله

محبوبتي واقع وعشته خيالا
ما مثلها يا ناس بالكــون لله
               زايد الحــارثي

تجلي ياحروفي...الشاعره الشوق طير

تجلي ياحروفي وانظمي من درها المكنون
سبايك شاعريه من هجينيها مع الوافر

على بحر الهزج حرفي تلألأ في سما الكون
مفاعيلن مفاعيلن   رباعي فعلها حاضر

وغرد ياشعورن داخلي من وحيها مسجون
وفك القيد من كفك وعانق لهفة الشاعر

كطيرن من على غصنن يغرد لهفةً وشجون
يحرك لوعة اشواق الشعور  الميت الحاير
#الشوق_طير

سامي الغندري العبادي

عشت  التجارب  عمر في كل مره
كل  التجارب بوش تبقى تجاريب
من قال  ان  الحب فيه المسره
الحب لعبة حظ يتصيب يتخيب
مير  الهوى  ياصاح  يكفيك  شره
تقضي العمر هيمان والحب تعذيب
كم واحدن  بالزين  والزين  غره
عقب  الهنا مسكين  مثل المجاذيب
نار  الخيانه  دوم  ملعون  حره
قلب ن  تمسه  النار  ماله  تطابيب
شوف النجم  وشلون واتبع مجره
ﻻتنحني عالارض غير القمر لتجيب.
.................
همسات من الماضي
سامي الغندري العبادي

احمد حمود المحاميد

#سلهام_الضياعي
البارحه  بين الفضا    والضياعي
خطّيت  حبري ولعيون  بسماكا

جيتك ب قدمي مو مهم  الضباعي
طرفي تَكَسّر ما  تراخت  رَشَاْكا

قَاْلت: عَلَاْمك يا  كسير الذراعي
وناعس عيونه على جيده مباكا

لو تَعْلَمي مافي بعيني مياعي
كانت دموعك ما تسامر عطاكا

ولو تعلمي كيف الليالي جياعي
ماكنت في دربي بترمي عصاكا

ومادام تعلمي بطرفك ضياعي
اشلون عينك ترتفع في سماكا

الله يجازي كل شخصك ضياعي
شوف البشر سبّة مرضها يداكا

حارت  على امري  وقالت وداعي
ما َصَاْبَنِيْ   في طرفها   أرتَباكا

يا صاحبي لو حَبْكَ يقوى وداعي
ما شَفْتَنَيْ ذَاْلْحِين واقف وَرَاْكا

اجبر عزا  عيني  وشد  الشراعي    
ماجور من يسعد على خط رَشَاْكاْ

ياليل   خبّرهم   وفك    القناعي
ياليل  خبّرهم      وخبّر   مَلَاكا

في غَيْبِتَهْ شعري يَقَوْلَ الْقِشَاْعي
صوته   يردد فالمسامع   شَرَاْكا  

#احمد_حمود_المحاميد

الشاعر فايز البريزات

سؤال يشغلني ويمكن به احراج
                 واللي عرف به شي يقصر جوابه
لاصار بين الناس صدرك به خلاج
                منهو  يرد   الحمل  عني   عذابه
و..اللي عقب فواز ما..فيهم  علاج
                و..لاعاد اجيه والا طلبت اذرا  به
وهذا انا و  الفقر يسبب لي إزعاج
                عهد.ن عليا  ماجيه  ودي طلااابه
قولي لهم يادنيتي ان كنت محتاج
               عزيت نفسي عن  دروب  وخطأ به
#الشاعر__فايز__البريزات__ابوفواز

حسين الحويطات

ا                                        
                     ((   طقوس))

   النفوس طقوس والعالم كسيره  
                          اليالي والضروف الاويه معها لوتنا
جيت يم الحيد يشكي من المريره
                      العواصف موج وبحور   اغرقتنا
يا الله الي عالم ابكل السريره
                      دارين بحوال ايام   اشكلننا
اليسيره صارت ابوصله اعسيره
                      غربلننا واجهدتنا  واتعبتنا جاجيننا......

ادهم العقيلي

اسمحيلي يانظر عيني اوصف الغرام ..
او اقدم لك عربون حبي بس بكلمتين ..

الي مثلك يا حياتي ما يوصفه كلام ..
او حروف العشق كلها بابيات المحبين ..

بك تجدد نبض قلبي يا كلي يالمرام .....
يالي بك فؤادي ذايبٍ شوق و حنين ..

مالوم لساني لو قال عنك بدر التمام ..
لنك لعيوني يا نورها بغلاك تسحرين ..

لجل عينك عشقت السهر ابد ما نام ...
اطرب على لحن صوتك اليا تتحدثين ..

اعشق حروف اسمك من بين الانام ....
و اليا تنادي اسمي احس ان تبدعين ...

ذي بذار الحب ماهيب عيب و حرام ..
من دفى احساسك خافقي لا تحرمين ..

اسرقيني من ظلم دنياي وجور الايام ..
علميني كيف ما ودك لخافقي تعشقين ..

الأدهم ..

ابو هيثم المعشني

احدن تربع فوق الاحساس والراح
         ولا عطش يمشي مع الناس مجبور

هي هكذا تمشي صراعات  وجراح
             دنيا البشر فرحه وساعات مقهور

ابن الحياه اللي  جفاه  الوفا  طاح
             تلقى العوافي من  اله السما نور

اغنم ثمين الوقت ما راح قد  راح
        وابدا الزمن واطوي مسافات ودهور

خلك مع ربك   بممساك    و صباح
         لك  تنفتح   بيبان  والذنب   مغفور

باذن  الذي  ميز حلا الطير  بجناح
          سير  فلك طافي و اجرامه  اتدور

الاوله    بالعمر   قانع    ومرتاح
           لا تشتكي  زله  ولا   خائب  الشور

والآخره وجهك عن الهم  وضاح
          ساكن جنان  الخلد   بالجاه والحور

امتحان الكفاءه...احمد حمود المحاميد

#امتحان_الكفاءه
لا تستمع  وخذ   العبر من   ذكائه
مهما تطنش  في عيونك  شريتك

لا  تنشد   البيلوت    ناظر   أدائه
ما   تربح  الباشات  لامن طريتك

وما تربح  العشرات   ماهي  كفائه
لو تربح الحككام  موجز    هديتك

حائه    و بائه    ثم  ويائه  و بائه
والياء  ضاعت في  حلاك وتكيتك

عانت من   القسوه  وشد  القرائه
لين  العشق   اجبر  عليها سريتك

وراحت بتشحد من عيونك برائه
ثم سافرت تمطر على باب بيتك

من خوف تسمع من عواذل أسائه
كوونتها   جملة  مفيده   وجيتك

يعني  حبيبي   هو بلا   شك كفائه
عشره  على عشره  جمالك فديتك

ان  كان  حببك   امتحان   الكفاءه
قم  امتحن  حب شاعرك لا بديتك

ولو  تستمعلي    ما يخونه   ذكاءه
تبقى ضلوعه تنجرف من عطيتك

ويسكن  تفاصيلك  وعطرك  شتاءه
ما اروعك  صوره  على  باب ليتك

مالوم    قلبي   يوم  يطلب   دوائه
اروي    كفوفه   وعتني به   فديتك

وياليت  تعلم  أن   شفاتك  شفائه
وياليت تعرف بعدها تجمع خليتك

البارحه   ضحكك  سلاني    حيائه
اثره   جنوني  فيك   ملعون  بيتك

واليوم   جيتك   والغلا  في  انائه
اشعل    قناديله  على ضي مبيتك

 ادري   تماديت   الغلا    والاضاءه
ونسف  حروفي   كللها  ولا نهيتك

لو تستمحلي   بعشقك   الف ياءه
يا أعذب  الحاضر  بشعري  لقيتك

ومن صافي التعبير  خط أستواءه
اعبر  حدوده   دامني   ما نسيتك

#احمد_حمود_المحاميد

يابنت صبري....زايد الحارثي

يا بنت صبري نفذ والجهد ما به جهــد
والوضع حساس ما يقبل مزيـد انتظار

ان كان لي في حياتـــك عهـد ولا وعـــد
لا تقطعــين التواصــل بيننــا والحـــوار

تدرين كــم نالني في غيبتــك من نكـــد
وانا انتظـر جــيّتــك في ليـــل ولا نهــار

ان كانت المسألـــه بالعــذر عذري مــدد
على مدى الوقت وانا اصرخ بكل اعتذار

وان كان يا بنت قدري صار صفر العدد
قولــي وخلينــي القـــى عـن ديارك ديار

والنفس تتبع هواهــا فـي نظــام البلـــد
حــرّه ولك يا الغلا حـــرّيــة الاخـــتـيــار

وان كان لا فابشري تستاهلين السعـــد
رضاك يا روح روحـــي فــوق كل اعتبار

نهـــارالاثنيــن انا وانتي نهــار الأحـــد
والفصــل بينـي وبينــك يشبــه الانتحـار

حبك ثبت في شغاف القلب مثل الوتــــد
صـعب انتزاعـه وله بين الحــنايا مســار

يا بنت طــال الحــكي والجــوّ برق ورعد
والخيـر كلـه بقــلّ الهـــرج والاختصـــار

هيا ارجعــي طالما في الوقت باقـي بعـد
فالحــب في وضعنا مـثل السفر بالقطار

اذا تعــدّى المحــطه صـعب يـرجـع أبــــد
والضغط اذا زاد عــن حده يصير انفجار
                          زايد الحــارثي

فايز البريزات

يا.عناد  حدتني  ضروف المقادير
و. غيابنا  مابين  ليله   و..ليله

يا.عناد حارت بي رجولي عن سير
و..السالفه  يا  حالت.ن لي عليله

يا.عناد ليته  حلم و..الاهي تذاكير
قصة بلاها ضروف  ماهي  قليله

هديت انا يا.عناد ولا طار لي طير
وطاحت دموع العين مع حد نيله

والا نشتكي من ضيم الأيام  للغير
وسهرت مع   وقت.ن  أدور  بديله

فايز البريزات أبو فواز

احمد المقبالي

صاحبت لكن بين هالناس تفريــق
ولاكــل من أزهــمه وقــف مكانــه

وصديت عن زلات بعض المخاليق
الصــفح عــــز ولا يجيب المهانــه

ويشوش راسي بالرجال المطاليق
اللي لــهم في محــزم الجد زانــــه

كل مــالفوني يبعــد الهم والضيق
ولايــلحق الأصــحاب ذم وأهانــه

اللي يــحشمون العرب والمواثيق
وحقوقهم للــجار دايــم مصانــــه

لاوقفوا مثــل الــجبال الشــواهيق
يعــــطون للمــيثاق عهد وأمانــــه

أنشهد أن الصــحبه وياهم تليــــق
وتناســب الوافــين وأهل الرزانــه

أما الردي مــاله مع الــعالم رفــيق
الا شــــراته خــــاينين  الأمانــــه

ياللــه تكتبلي الصــــبر والتوافيق
في وقــت غيــرنا معالم زمانــــه

صار النفاق أشكال مثل المساحيق
حتى مزج وجه الوفا بالخيانــــه

احــمــد الــمــقبالي

الجرح...للشاعره غروب المساعيد

،،،،،،،،،،،،،،،،،،" الجرح "،،،،،،،،،،،،،،،،،،،

رفّـــلـــت عيني لنومه """"" يـــا صباح الله الجليل

نومةً مــــاهـــي رحومه """" قلبي بـــحضنــا ذليل

واهِ مــــــن دنيا ظلومه """" خلّفت فـــــيــنــي قتيل

ميلةً وحده قصومه """" خضخضت بــي الف ويل

أجرع بصبري ، أصومه """" أكمَله واقـــــــومِ ليل

والفرح لملم هدومه """"" كـــاظــــم الدّمعه ، تسيل

عــقــبِ ما كنت بنعومه """" في رغـد عيشٍ جميل

أخشنت حالي أمهمومه """ والحزن قــــض الجديل

أقبلت دمعه امسمومه """" في عيوني جــــت تخيل

بـــــد عيوني مو ملومه """"" يومها الـــدّمعه تشيل

أجهضتها وهي كتومه """" عــــزّت الجرح الدخيل

خــوف لا النّاس الخمومه """ تنشره وتــــزيــد ميل

وجدي ع نفسٍ حشومه """" ضمّها الــمـوت البخيل

نفسي بعدها امحمومه """""" في حــــزن ماله مثيل

وحدي بهمّي جضومه """" أصبر وصـمتــي سديل

من سجد جفنه ، أحومه """" حولِ قبره صبحِ ، ليل

أرتجي زوله بقومه """" أنــــا والـــــدّمــــــع الخليل

الـحكـم لله دومه """"" هـــــــــــو حــسيبــي والوكيل

صرت ياناس امحرومه """ داعـــــــج العين الكحيل

عقبه الدنيا ظلومه """"" هيت لك يـــــا مــــوت هيل

غروب المساعيد

سامي القندري العبادي

احرص تراني طيف نسمه رقيقه
ادخل  قلوب الناس من دون تحضير
أقلب  موازين  واشعل حريقه
واسلب عقول الناس من دون تخدير
الحب  لحظة  ضعف يلفي بدقيقه
نظرة غرام  وشوق  من بعد تصوير
هاذا  أنا يابنت  مثل  الشقيقه
حرصك  تصيب الراس  من دون تفكير
....
سامي الغندري العبادي

ياحمود.....زايد الحارثي

يا حمود هـات القلم في خاطري حسره
وضيقـة النفـس سبّـة معظــم اوجاعــي

مخنـــوق يا حمود والزفـره ورى الزفـره
مدري وش اللي بلحظه غير اوضاعـــي

لا مـن ذكـــرت المفـــارق هــلت العــبـره
يا حمود شفني سواة الذيــب والراعــي

وش في يــد المبتلى دام انتهــى صبـره
وصـار حتـــى حياتــه مـا لهــا داعــــي

لا من تعــدّى نهـــاره صــاح مــن بكـره
يا حمود خارت قــواي ومـاتت اطمـاعـي

أخايــل المـــوت عنــدي فــاتحـــاً قــــبره
وانا انتظــر جيتـه باسط لـــه شـراعـــي

يا حمود ما تنطفي الجــمره من الجمره
ولا تــــردّ المقفّـــــي طــولــــة ذراعــــــي

ما كــان قــد كــان والله نافــــذاً أمــــره
والروح راحـــت ومعهــا راح مــرباعــــي
 
يا حمود قصــــة غــلا عايشتهــــا فــتره
مـع جادلٍ ما سواهـــا يمــلـك اقناعـــي

خفيفـــة الظــل جذابـــه علــى الفــطــره
عشقـتهـا للجـــنون بعقـلــــي الواعــــي

واشتقـت حــدّ الولــه في صحوة الفكــره
واسرجـت خيل المشاعـر صهـوة ابداعي

واليوم شفني كما الصاحي من السكـره
والنار تشعـل بصــدري يابس اضلاعـي

خيّـــــال خيّـــــال لــكـنــي بـــلا مهــــره
جريــح يا حمود واوجاعي هي اوجاعـي
                             زايد الحــارثي

احمد المقبالي

للآخــره ودنيــاك أعــمل سويــه
قبل الممات وقبل مايفوت الاوان

دينك صلاتك واليدين العطيــــه
والوالدين وحبهم أكبر أحســــان

أحزم في عزمك وأرفع المعنوية
وأثبت مع العالم على كل ميدان

العلم يــرفــع رايتك عــ الثريــــة
ويبني من العزه بيوتً وتيجــان

والرفقه تــقودك كقــود المطيــــه
عن تغفلك بالدرب من دون حسبان

وأختار في الصحبه محازم قويه
لادبرت توقف مواقيف شجعــان

والهرج يوزن لاتسوق الخطيــــه
تجرح سببها قلب خافي ونسيان

خلي المعاني فــي المجالس نقية
ترزح بكف جبال حــارم وسمحان

ومن جاب عرض الناس أكبر ردية
باكر يدور الوقت ويصير مهتــان

أحفظ لسانك عن عروض البريــه
ولاتأكل لحــوم البشــر ظلم بهتان

أنصح عسى تكفي شرور البليــــة
ولاتحتشر من كلمة فلان وفلان

راقب لذاتك  لاتشوف االبقيــــة
الله حسيب الناس زودً ونقصان

عشنــا الحداثه ولاتغيب الهويــة
يبقى لنا ماضي حشيمه ونيشان

شيابنــا وصــوا علينــا وصيــــة
وأحنا حملناها الوصية إلى الآن

أحمد المقبالي

علي صالح ابو منصور

استغفري ربك من الظلم يابنت
؟؟؟؟ماني ببياع الهوى دام انا حي

لوخانك اشعورك والاحساس ماخنت
؟؟؟؟ولو غاب عذبك عشقتك للحشاء ري

ماابيك تقولي يسلم الحرف ﻻهنت
؟؟؟؟ابي قناعه خاطرك يثمر الشي

قبل اعرفك في درب الاحﻻم ماكنت
؟؟؟؟والحين علامك تحرقي القلب بالكي
علي صالح ابو منصور

الصدقه...الشاعر علي بن سعدون

قصيدة   ((  ألـصَـدَقَــه  ))

أبديت بأللي مِن على عـرشـه يجـود
فـوق ألـطباق ألسبـع عـالـي ألمقـدره

ياخَـالِـق ألأكـوان يـامُنشـي ألوجـود
مـا بَـيّـن كـاف ونــون أمــره سَــيّـرَه

يا بـاعث ألأشـهاد في يـوم ألحشـود
ومـثبّـت ألـميـزان بـأرض ألـمحشـره

يـا رب أنـا ســآلك بِـلُـطفك يـا ودود
تـرحـم شـقـي هـالك وذنـبَـه تَـغـفـره

إجعل إللهي لي على ألصَدَقَـه جُهـود
مِـن فَـضلك ألـواسـع يـمينـي تَـنّـثـره

في عطـوة ألصَدَقَه تكسـر لك قـيـود
تُـفتـح لك ألأبـواب فـي كُـل مُـعسـره

يامَن على ألصَدَقَـات بأليُمنـى يجـود
يعطي على ألمعـروف مـاحـد يجبـره

مِن رِزق ربَـه مـا بَـخَل يـعطـي بِـزود
لأهـل ألـكَـفاف إللـي بِـلُـطـفٍ تَـنظـره

تـكـرم يمينك ما علـى جـودك حـدود
مَـحشـوم مِـن يَــدَّ ألـبخيل ألـمُقـتـره

صَـدَقَـه تُـنَجّـي من عـذابٍ لك تـذود
حَـتّـى ولـو في شِــقَّ تَـمـره مَـكسَّـرَه

مِـن فـضلها ألـميت تَـمنّـي لـو يَـعــود
مِن كُـثر ماشآف ألرضـى في ألآخِـره

أطلِـق يمينك بألـعطا خَـلّـي ألجحـود
فـألـرِزقَ مِـن ربَــك ومـاحَــد يكفــره

مَـن يـكـنِـز ألأمـوال مـانَــال ألـخلـود
كَــلّآ ولآ فـي ألـنـاس مـاحَـــد قَــدّرَه

دآوم على ألصَدَقَات مِن قَبل ألـورود
مِـن قَـبل مـا تَـدخُـل خَـلـي للـمَقبَّـره

لآ مـآل لـك يَـنـفَـع ولآ جَـآه وجـنـود
وألإبـن وألـعِــزّوَه بِـلـحَظَـه تَـخسَـره

مـا غَـيّـر أعمآلك بـِها تَكـسب وجـود
أو رَحـمَـة أللـرحـمٰــن رَبّ ألـمِغـفِــره

كِـتفَك عليـه إثـنان لأعـمآلك شُـهـود
تَـجـري بِـهـا ألأقـلآم فِـعـلك تَـخبـره

وألخاتِمَـه يأللّـه طلبتك في ألسجود
تَـغـفِــر لـيَ ألـزَلّـه وعَـيّـبـي تَـسـتـره

بألمُجتبى ألمبعوث مصدوق ألوعود
يَشفَع لـنا فـي يـوم عِـنـدَك يَـذخـره

ألشاعر / علي بن سعدون بيت سعيد

لاتشعلون النار...عبدالله العنزي راعي الشعلا

لاتشعلون النار يا طيب الشان
وباب" يجيب الريح بالكم سده

الصمت حكمة ياغدا الهرج نقصان
وبعض الجمل تحتاج ضمه وشده

هذي شراره والبدايات دخان
فتنه واثارث بين بده وبده

اللي يغيض ايران لا يخدم ايران
عدوة الاسلام من دور جده

كان العتيبي خان عهده ولاصان
وراه ..  لابة تقيم بالسيف حده

هيلا هل الفزعات ذباحة الضان
لطامة العايل على الند نده

الهاشمي معروف من مر الازمان
سلالة اللي سطر المجد عهده

ومتابع الهراج في كل ديوان
ما يعجب العقييل والكل ضده

مافيه بين اخوان رابح وخسران
مثل الذي يلوي ذراعه - بيده

هذا بلانا التفرقة جنس والوان
هذا ضعيف وذاك يامن قده

ايران تصنع قنبلة انتاج طهران
وحنا على ماقيل فراش ومخده

ماهمنا الا مركبة ودان يادان
ولولا مقام القاف جبت المعده

واختامها ارجو من الله شيئان
يهدي النفوس وكل غادي يرده

عبدالله العنزي راعي الشعلا

انا بحرت الشعر...الشاعر ابن ظاهر

انا بحرت الشعـــر جزره ومــــــده
بيت الشعر شديت مرخى اطنابــه

لاتمنعون الشعـــر وان كــــان رده
بعض الشعر تلقا عليه استجابــــه

هذاك شاعـــــر مزق الشعر كبــده
وهذاك كبـــده من الشعر مادرابــه

واهل الديانه ان كان فيهـــم مــوده
خل يلبسون اللي لبسه الصحابـــه

مثــــل القــريب اللي تعثــر مــردّه
يوم العرب صاحت على حد بـــابه

قل للــــردي درب الردى مانكـــده
وان كان مفروش فـ بروق وسحابـه

قل للردي حده يقــف عند حــده
مغسول وجه من الحيــا والنجابــه

قل للــردي ماهو كفــو وقت شــده
الدبش ربــده والذيابــــه ذيابــه

قل للــردي عنــد المواقــف ترده
ولولا المواقف ماكشفنـا حسابـــه

الطيــب له طـــاري الرديا مضــده
لو كان اسم الطيب ميـزه وذرابـــه

ان تمدح الرجــــال حقــه تعــده
وميز من عيون البشر  مايشـابــــه

لاتمدح اللي من تفـاخر بـ جـــده
 الورد فيه الشوك يمحق اطيــابــه

مايفلــح اللــي عاش من كيف بـده
بين العرب مانال حشمــه ومهابــه

اصغر عذاريب الرجل  فوق خــــده
لاطاح دمعـــه مايفيــد انطرابــــــه

مهزوم يـ اللي نومتك عـ المخـــده
يلفيك سود اللــي يضـمك ترابـــه

ويجيك يومن باب بيتـــك تســده
يرفع شعارن لك ونقرا الكتابـــــه

لاتندد الدنيــــا وتصير انت نــده
ولاتحط يدك بالجيوب المعابـــه

تجيــك افكــــار البلــى مستبــده
تعوذ ابلــيس وتجنــب جنابـــــه

الشمس هي شمسن ترى مستمـــده
يشـــع نـــوره وماتغطــي سرابــه

لاتغتشي بوجــه البشوش المهــده
وتزحف على جارك بخلوة غيابــه

لا تقطع الرحمة وتعلـــم مصّــده
تلقى عيالك في حضرتــك سبابـه

وقلبـــك عن اذكــار الصبح لاتلّده
وعند المسا لاتشحنه بـ الكأبــــه

ان ذاع صيتك  بالنسب لاتمجـــده
ترى النبي .درب النسب مامشابـــه

خل التواضع بين لحمــك وجلــده
وطاري التكبر لا تفصـــل ثيابــه

#ابن_ظاهر

حمام الورق ....احمد حمود المحاميد

#حمام_الورق
يا حمام الورق من باب الوضوحي
استمع ما دار عن حادث ضياعي

خاب منه المجتمع واحد سموحي
التطررف حازهم  خلف المراعي

من سماته كان يشكي من نزوحي
لين بقفات المعارك من يراعي

يوم صاحت من على دربه جروحي
شاف  في عينه تفاصيل  الوداعي

مجتمعهم ما كسا لبه الجروحي
ذاك يلقى  والأخر شاب التياعي

والوساطه عندهم تعطي شروحي
عن تطارف عن معارك عن بياعي

عن كوارث عن قنابل عن فتوحي
من خداعي من جماعي حل فزاعي

من مخاوف فيه برد  وفيه نوحي
ونت عارف لا تسولف عن صراعي

والعروبه  حبلها صابه رجوحي
ارتخا في قلبنا حب الدفاعي

مو مهم تسمع على نوحن وجوحي
صوتهم يبهت ومذياعه يشاعي

واستمع لي كود عندك في سموحي
ارض غزّه صابها طرف الضياعي

لين قامت من نطاقهم الطموحي
واشعلت سيّوفها فطم القشاعي

طيبهم نابت  بيمناهم يفوحي
يوم بعض الطيب تقليد وصناعي

التكاتف طبعهم ماضن يفوحي
والمحبه عينهم تعكس شعاعي

والقصايد قلبهم تشفي جروحي
الليالي حبرها يشعل شماعي

ما كتبت من الشعر جوهر يروحي
ليه أتعب والقوافي هن صواعي

من مثالن جاب فكري عن صروحي
صاغ بالكف  من هواجيسن هجاعي

#احمد_حمود_المحاميد

من بنات الريح ...ابو موسى السايغ

من بنات الريح من خير  الاصايل
               من   هبوب سباقها هبت  هبوب
لااركضت صارالهوى للصوت قايل
              والنسانس من شمال ومن جنوب
 وعاديات  بااصلها   فيها    المثايل
               تطرب الفريس وفرسان الحروب
عزها   مابين     سادات      القبايل
            وتحت شيخ ن تفتخر  فيه  القلوب
في حوافرها  وفي الركضه  دلاليل
           كنها  ترقص   طرب   وجه   الدروب
المهار       الوافيه     مافيه    هايل
          في      بنات  الريح    للهمه      تلوب
جيت ابث  اللي  بقلبي     للااصايل
          ركضها    كالريح  في   وقت   الهبوب

وصلى الله على نبينا محمد

شهر الفرج...ابودياب عبدالله الفودي

*2017/5/27 م ، شهر الفرج ....*

*اقبل شهر رمضان بالخير و النور*
*وبه التسامح و الرضا و خير الاعمال*

*شهرن على جيته افراح و سرور*
*فيه الفرج مالضيق و الهم ينزال*

*جمع قلوب الناس و الكل مسرور*
*على نقاوة نفس و بطيب الافعال*

*في اوله رحمه من الضيق و الجور*
*رحمه كتبها الله ربي ذا الاجلال*

*و باوسطه يا مخطي الذنب مغفور*
*مدموح به ذنبك و لو كنه جبال*

*و بآخره عتقن من جمورن اتثور*
*يا الله تعتقنا من اجمور الاهوال*

*رمضان شهرن ننطره بين الاشهور*
*محفوظ له بالقلب قدرن و منزال*

*ادعي لكم يالله عسى الكل ماجور*
*ربي يقدرنا على حسن الافعال .*

            *# بقلمي الشاعر :*

   

طارق ابو تايه

ما يذبح الا نزيف الجرح عند الرجال...
واحيان جرحن يجي بالضربه القاضيه
اشيل من فوق متني مايفوق الجبال...
روحي تشيل الثقيل و دوم متغاضيه
اشيل مقسوم عمري لو يزيد احتمال...
اصبر ونفسي على ماينقسم  ماضيه...
شفت الكﻻم الثقيل اللي يجي له مجال..
ﻻمن طعن  بالضهر خناجره ماضيه

طارق ابو تايه

احمد بن ناصر المحرج

( ودور على المحتاج بين العفيفين )
.
.
.

عود لسانك دايماً ينطق الزين

ماتنطقه يااللآدمي دومِ محسوب

محسوب عند اللي خلقنا من الطين

ماغيره احد(ن)يغفر الذنب ويتوب

رب الرسل صالح وموسى وياسين

واسماعيل وابراهيم وعيسى وايوب

احذر من الغيبة ترى فعلها شين

كم واحدٍ بأسبابها حصل ذنوب

والكذب ماهو طبع ناسٍ ميامين

احذر يلاقي الكذب في نفسك دروب

وإن شفت نمام الحكي مبحلق العين

مجلسه خله جعل مجلسه معطوب

واحذر تحمل نفسك الهم والدْين

يضيع وقتك بين طالب ومطلوب

لالا تماشي ناس ماهم حريصين  

على صلاة الرب علام الغيوب

ودور على المحتاج بين العفيفين

اللي مع الحاجه صراعات وحروب

من عفته تَحَسٌبَهْ ضمن الغنيين

يبيت ليلة دون اكل(ن) ومشروب

وإن شفت لك ناس(ن) يتامى حزينين

افزع بما تقدر وذا فعل مرغوب

وللضيف خلك من رجالٍ كريمين

ترى الكرم للنفس مرغوب محبوب

وأحذر سؤال الناس ولنفسك تهين

اطلب كريمٍ  عنده الرزق مكتوب

(احمد بن ناصر المحرج)

الجو طاب....عبدالرزاق الرويلي

،،،،،،،،،،،،،،،،،،،،،،،،،،،،،،،،،،،،،،،،
الجو طاب ،، لكل شاعر وكتتاب
           ديم وندى وصوت الرعد والبروقي
وشديت قافي دون عمدان واطناب
             فووق الجزايل عاليات العذوقي
كني على ماقيل ،، اقرأ من كتاب
            إلهام خالق ،، واهبه لمخلووقي
دن القلم ياكاااتبي ،، وأغلق الباب
           إكتب وانا ب امليك باللي يسوقي
سلام راااهي للأخووة والاصحاب
           حمله عبير ازهوور شمه يشوقي
للذوق وأهل الذوق وافين واطياب
            اللي لهم في كايف البوح ذوقي
أمس العصر عديت في رآس مرقاب
           و فكري يدور بعالمي والفروقي
ولمحت زول" زارني شوق واعجاب
               شيهان حر ولا عقد به سبوقي
جتني تذررا خوفها لووم واعتاب
             تدرا عذوول" للنميمه شفووقي
قالت سلام ولك تحيااات واعجاب
            من إختك اللي للجزيله ،، تتوقي
قلت ابشري لوني انا منك مرتاب
            واللي تبينه جاك من دون عوقي
قالت أصيل ومن عريبين أنساب
          قلت الكلام العذب ،، منك يروقي
قالت سؤالي دافعه شخص كذاب
          يقول انك ،، للجزااايل سرووقي!
قلت اسألي ياتوت غالي وعناب
            عليك رب الكون من دوون بوقي
قالت هقيت ومن هقا فيك ماخاب
             ياشاعرا" يبدع جميع الطرووقي
قالت عوايد؟.قلت عكفان الاشناب
              لهم عوايد،،  مايخوون ويبووقي
يوفون عهد الجار والجار محراب
             من طيبهم ،، له كاملات الحقوقي
قالت الكيف؟.وقلت للكيف صباب
             يصب فنجال" على ذوق ذووقي
من دلة" صفرا على كيف شرراب
            فيها العويدي والمهيل يفوقي
فنجالها كنه صبغ لوونه خضاب
         من زعفران الفرس لونه يشوقي
قالت شجاعه؟. قلت عدوونا تاب
         من سطوة اللي فيه للدم شوقي
يقدم على قوم المعادين ماهاب
       ضرب السيوف المرهفه بالدروقي
يهجم عليهم كنه الذيب وثااااب
          ياااااما يخلي مجتمعهم فرووقي
قالت عذول؟.وقلت يلدغ كما الداب
            حاسد حقود وهافي الجد لوقي
شغله نميمة بين الأحباب ماغاب
             دايم على قول الرديه سبوقي
قالت غزل؟.قلت الغزل شوق واعجاب
            يسري كما دم البشر بالعروقي
ليا حس فيه إنسان من حرقته ذاب
           هااايم بعشقه ،، مابعمره يفوقي
مثلي انا واياااك يااااكل الاحباب
           قلبي يتووق ل نظرة" منك توقي
لك نظرة" مافكني دونها حجاب
           منها غدت ،، قضبان قلبي شقوقي
ثم أغمضت بالعين وارخت للأهداب
          قالت سلام !! وقلت يابنت روووقي
تو المسى والليل في جيتك غاب
          ومن وحدتي يشرح لك الحال موقي
# عبد الرزاق الرويلي

(هواجيس فكري        "

بيت الفكر يبني طموحات واحلام 
والحض.  طايح والـــيالي سقيمه 

احلام عمري عودت  كلــها  اوهام 
راحت بـها دنياي سارت.  الييمه 

الراس بيت الفكر مبنى للاحكام
والحـكم صاطع والنوايا سلـيمه  

مااندم على شي.ً ولا اعض الابهام 
اقهـر بنـات الفــكر قبل الهزيـمـه 

وارقى بفكر الراس واشد الحزام 
فوق الهجوس الراسيه.  والعزيمه

مادام اعيش اليوم والراس قدام 
واجب علي اسمع كلام. الحكيمه 

من راس عود.ً جرب صدوف الايام
جرب مرار الوقت. ......قبل النديمه

حده.   زمانه.    حدة. اعدام. صدام.
لا مغطين.   ووجه ولا ايده.  عديمه

هذا الذي منه العبر تصدر.  احكام.
تنصح رفيع الباس  لاشيا عظيمه

١/٤/٢٠١٧ قلمي.

هواجيس فكري عبدالرحيم هويمل المزنه

(هواجيس فكري        "

بيت الفكر يبني طموحات واحلام
والحض.  طايح والـــيالي سقيمه

احلام عمري عودت  كلــها  اوهام
راحت بـها دنياي سارت.  الييمه

الراس بيت الفكر مبنى للاحكام
والحـكم صاطع والنوايا سلـيمه

مااندم على شي.ً ولا اعض الابهام
اقهـر بنـات الفــكر قبل الهزيـمـه

وارقى بفكر الراس واشد الحزام
فوق الهجوس الراسيه.  والعزيمه

مادام اعيش اليوم والراس قدام
واجب علي اسمع كلام. الحكيمه

من راس عود.ً جرب صدوف الايام
جرب مرار الوقت. ......قبل النديمه

حده.   زمانه.    حدة. اعدام. صدام.
لا مغطين.   ووجه ولا ايده.  عديمه

هذا الذي منه العبر تصدر.  احكام.
تنصح رفيع الباس  لاشيا عظيمه

١/٤/٢٠١٧ قلمي.

طالما مات الامل....زايد الحارثي

طالما مات الأمل كيف نبدع في القصيد
 فــي وجــود الياس حتى الحيــاه نمـلّها

يا هجوسي ودعي دام ما عـنـدك رصيد
واتــركــي كــلّ المنــــابـر لمـن يحــتلـهــا

ما على الدنيا حسايف ولا فيها جــديــد
غيــر اشابيه الرجــال اشتروهــا جــلّهـا

بعضـهم من سحـنته تعــرف انه ما يفيد
صـوّر الناقــه معــه واحـتبى في ظلهـــا

والبعَضْ ماخـذ من الضبع دمه والوريـد
يا ثُقُــلْ دمّـــه خبيـث الطبايـــع كــلهـــا

حطّ نفسه شاعر الكون يا قلّ الحصيـد
خلّـــها يا شاعــر الكـــون بالله خــلهـــا

والحــراميـّه كثيريــن والــزايــد يــزيـــد
هيضهم جابــه تويتر وقــوقـل حـــلـهــا

ليتهــم راحــوا فــدا للزلامــي والعميـــد
يا إلهــي سارق الشعــر كفــه شـلّهــــا
                        زايد الحــارثي

محمد الصادق بيازه

رمضان كريم
..............................
........... تهذي .........

أنت تهذي
تكتبين الحروف بالمقلوب
و الرسم منك يرتجف

الا تأخذي نفس
و من الأعماق تخرجي
الواااااان العشاق

في الصباح الباكر
تعشقين رجل ماكر
وفي النهار تصنعين العااار

بساتينك ازهاااااارها مختلفة
لكل عاشق وردة مكتسبة
يفوز بها وقت الحاجة

تنهدي الأن إن شئتي
عبث السنين وموووووتي
وعلى باب الرحيل عوووودي

لست أنت التي أعني
هي امرأة لي تعني
حب وعشق يغري

تنهدي تنهدي أسرعي
فالنفس يكاد أن يختفي
وصدري لا يسع كذبك

.....بقلم محمد الصادق بيازة

خالد وريكات

يا هاجســــي لا ترتخي
يا هاجســي من انتخي
.....
يا هاجسي بك مشمخي
لا ترتخــــي يا مسنــدي

دونك قصيـــــــدي يندفن
ما غيــــرك اللي يتـــحفن
.....
ما تسمــــع اللي يهـــتفن
لــــبى النــــــدا يا سيدي

القــاف بـــــك يطغي حلا
جــــزل المعــــاني ما خلا
.....
يا مرحبــــــا يا مســـــهلا
بالهاجس اللي يحصــدي

بـــــدع الفــــرايد والجمل
حلــــــو القــــوافي تنهمل
.....
في سمعهــــا لا ما يمـــل
ولـــــحدن عليها ينقـــــدي

                                        #خالد_مشيلح_الوريكات

علي بن سعدون

قصيدة  (( أخـلآق ألـمـؤمِـن ))

يـأللـه أنـا سـالك بـلطفـك يـا عـظـيـم
يـارآزق ألـمخلـوق مِـن إنّــسٍ وجَــان

يـأللـه تـنجـيـنـا مِـن ألـطـبــع أللـئـيـم
مِـن زلّـةِ ألـفِـكـره ومِـن عـثـرة لِـسَـان

وتـجمل ألأخـلآق فـي طبعـي مـديـم
نيل ألرضـى يـارب مِـن عِـنـدك ظمان

طبـع ألبشـر مخلوط من زين ودميـم
بيّن ألـهَنـا وألـبُـؤس في لحظـه يـبان

حُسن ألخٰلق وألطيب وألقلب ألرحيم
يجعلك فـي هيبـه وفي رفعـه وشـآن

خَـلّك سـميـح ألوجـه بألبسمـه كـريـم
فـي ألـناس متجمل ومـطلـوق ألـعنان

وأرحـم كبيـر ألسـن وألطفل ألـغشيـم
مـن يـرحـم ألمسكين لآ يعـرف هـوان

بـأللطـف لك تَصفى قلوبٌ بَـك تَـهيـم
وأللـين بـألكلمـه كسـر صُلـب ألصـوان

مـن جـاك بـألـقــوّه ويـهــدر كـألـبهيـم
بـأللـين وألـحِكمـه طلـع عِـنّـدك مُـدان

قـابِـل عمـوم ألـناس بـألقلـب ألـسليـم
تكسب رضـاهـم وألرضـى منهم أمـان

وأبعـد عـن ألغيبـه فهـي طبـع ألذميم
مَـن يـمتهنهـا خـاب في ربـعـه وشـان

دُنـيـا بـهـا ألـمخلـوق فـي دربٍ ظليـم
وألـنــور مِـن ربّـي لـمَـن للـديـن صـان

ألشاعر / علي بن سعدون بيت سعيد

عبدالرحيم هويمل

ماني على درب الهوى حيل مطيوف
لاكن هنوف الغيد  لاحت.  اطيوفه

لاحت وبانت وانقطع صؤبها الشوف
ماعدت انا اشؤفه ..وغيري يشؤفه

قفا  وانا من سبته حيل.   ملهوف
مهتف..هف وهف قلبي ... يلوفه

احترت انا وياه ...وارتابنا.  خوف
خوفن من السمعه وهرجن.  نخوفه

لا ياقليبي وشبك اليوم.     محفوف
ماهي سلومك درب غيرك.    تحوفه

قف وتقفا والهوا.   حيل.... ملقوف
خلك بعيد ...ولا تصيبك.   لقؤفه

حب العذارى ما يجي.  منه. ملطوف
كله. صعوبه  والخطوط.  معطوفه

مير ابتعد. واترك عجاج  الحسوف
من راح راح وما عليه.    الحسؤفه

لاحت وبانت وانقطع صؤبها الشوف
ماعدت انا اشؤفه ..وغيري يشؤفه

قلمي

وبل السحاب

شهـر رمضـان أقبل علينـا هلابه
،،،،،،،،،،،،،، شهرٍ فضيل ونفحة الخير به غير
وانا باهنّـــي فيــه كـل القــرابـه
،،،،،،،،،،،،،، واصحـابنـا واحبابنـا والمنــاعير
مبروك شهر الصوم شهر الإنابه
،،،،،،،،،،،،،، عسى يعود بخير وانتم على خير
نبع العطا من جود ربي سحابه
،،،،،،،،،،،،،، من زود فضله ساق فيه التباشير
ياسعْــد من قامه وزاد احتسابه
،،،،،،،،،،،، يكسب رضى الرحمن والأجر توفير
تغــــانم الفرصـــه ورتّل كتـــابه
،،،،،،،،،،،،،،،،  لذة حروفـه للظمــا جمّــة البيــر
للعمـــر رحلــة ما تعــود بذهابه
،،،،،،،،،،،،،،،، وللقبــر ظلمة والعمل خير تنوير
فرصه عظيمه واجتهادك زهابه
،،،،،،،،،،،،،،،،، كم راح من عمرك تعد المخاسير

بقلم / وبل السحاب

الشاعر احمد الخالدي

علّـم اللي شغله الشّاغـــــل يقولون
أبرك ابـــــرك مالك ومــــال النّميمه

والله انّ اقصاه مثل ادناه في دون
والمراجل فـــــــــي حريمه ولحريمه

شاعرٍ خـرّاط بالحيــــلات مشحون
يا خبيـث القـــول وافعالــــك عقيمه

لو أسولف والسّوالف ماهي ظنون
أقلـــب الدّنيا وانــــــا كلّـي عزيمه

ما ذخرتك يالرّدي في يوم لي عون
أنــــته وشــــرواك مــا منكم غنيمه

يالطّـحالب كــــلّ ابوكم والله عفون
والعفـــــن بالنّــاس اللّــه لا يقيمــه

جاكم الرّطبي وانا شاعر ومجنون
والجّنون ان ثــار بالشّاعر جحيمه

كل ابوكم ينحرق به حـــرق ويهون
ناري ان شبّـت ترى ماهي رحيمه

هــــاذي المرّه منعني مـــن يمونون
أقضب لسانك ترى شتمي جريمه

وعلّـم اللي شغله الشّاغـــل يقولون
أبرك ابـــــرك مالك ومــــال النّميمه

#احمد_الرطبي_الخالدي

خالد الوريكات

ابـدي بـذكـر اللـي عليــنا اتكالـه
رب العبـاد اللي له الصوم والحج

مـا غيـره اللـي نعبـده في جـلاله
وصدورنا في حزت الضيـق تبلج

يا مسخرن رزق العبـد في حلاله
ومغنيه عن درب الحــرام المــعوّج

ما غيـرك اللي لـه قصيدي جزاله
وحـروف شعـري لا ذكـرتك تـدبّج

عبـدك توفقــه فـي حـياتـه ومـالـه
وتنـور بدربه طـريــق(ن) مسـرّج

ونفسـه تعافيـها علـى مـا جــراله
هــول المناظــر من بنـات التـبرّج

زادت عليـها من لبــاس انذهالـه
ياللـه تغفــر لـــه ذنـوب(ن) تلـعج

وسط الضماير ما لقى من بداله
عــلاج غيــرك بالـــدعاوي يـدجج

يا الكــامـل اللـي نكتـمل بكتماله
يا جاعلن في نور رحمـاك مخرج

هـاظا قصيدي فيك جاك ارتجاله
والناس في بدع القصـيدة تفـرج

#خالد_مشيلح_الوريكات

غروب المساعيد

#أزريت

هاجر غريب ولا تغرّب للأحباب

و ......

الشّوق   جدّلني  وفا    خلّك    قوي !

صعبه  علي أنده  أقول   أنّك عدم .

من  غرّب الأحسان  في  قلب  الهوي ؟!

جاوب على جرحي  وكلّمني  نعم .

هل يا ترى غصن االهوى بقلبك ذوي ؟ّ!

أم  صادق  الأحساس  خالفه  القسم ؟

ماذا  جرى ماذا حدث  ؟! هدّي  شوي .

يا   قسمتي  الخفّاق  ،،  أشقاه  ،،  الألم  .

من  نبعة  الآمال  جرّب  ترتوي  .

ما   خاب  من لله  ساجد  من  ظُلم  .

من نخِّ  لظروفه  عنا  ،  حلمه  لوي .

خلّك  على  حلمك  ورتّله  النّغم  .

أنته   وانا  نصنع  هنا  عشقٍ  سوي .

فطره  وأهداها   لنا  رب النِّعم  .

أعاتبك  من  مبدأ   ،،   العشره  خوي .

لكنني  أزريت  بمعاتب  صنم ! .

و ......

ما  أكتفيت  من  غربتك ؟!

ولّا    ،،   الغربه  ،،   عزّتك ؟!

قض   حنايا  الرّوح  وشوف

فيها    مكانتك ............. ! .

#بقلم غروب المساعيد

الطواري...غروب المساعيد

،،،،،،،،،،،،،،،،،،،،،،،،" الطواري "،،،،،،،،،،،،،،،،،،،،،،،،،،

لا تعلعل زمان الحدث يـــــا ولــــــــد بيتخلخل أساس الشفا بالعليل
لا تدوّر خليلاً زمانه جــــحـــد والجحده الزّمن تـــــــرى ماله امان

الخذاه البُعد لا تظنّه يــــــــــرد يــــــــــا عزيزي بلد للبُعد هو ذليل
أدعِ واحد أحد للقلب هـو سند مـــــــن سمومٍ رقت ينشلك هو عوان

الطواري خذت فكرِ قلبٍ شرد يــــــــــا سموح الوجه لزمان الجميل
هدّت الدّمعِ فــــــــي عينِ لي احلفت ما تهيّض دمعها ع ذاك الدّمان

حسبي الله على هاجسٍ لك قلب فــــــــي حنايا المواجع وجرحٍ دميل
قلقل الحزنِ فـــــــــــي خافيات النفس وأسثار الصور وأستبد الحنان

من يريد الصفا للقلب والنّفس يبتعد عـــــــن نبش كـــل ماضٍ شهيل
والجروح ال مضت بُدِّ ما تنطمس هو دواها الوقت بالوقت هي تهان

يل دعيت الفكر لنّسج والحبك علّ هذا الوسم كـــــان عذب الحصيل
بالنهايه أخط جــــزل وأعظم شُكر مرفقاً بالتحايا لـــــراقـــــي البيان

#بقلم غروب المساعيد

المهم....غروب المساعيد. روعة المشاعر

#المُهم

يوم المُهم أُلــصــق تُهم محدن مُهم

يوم العدل غاص بوحل مات الطُّهر

ولعدّة أســـبــابٍ نــــعــــم طفنا ندم

ليه الغدر باسلامنا صـــايــــر جهر

هـــــذا الحكي ظُلم ونفي لعنه وعم

بركان مـــن هـ الزّيف لطّيبه صهر

يمشوا ورى صوت الفتن مثل الغنم

وقتي أنــــــــــــا مهموم فيكم منبهر

صــــار المُهم فـــــي وقتنا كنّه عدم

مُعدم نفوذه راحته مــــــيّـــــت قهر

يا اسلامنا لــــــــــــظ العنا زر الألم

غرّب هـــويّـــة حالنا ذبّـــــــل زهر

الثّانيه تشكي الدّقيقه مـــــــــــن ظُلم

ساعات تبكي يومها كــــــــــل الدّهر

وين المُهم وين المُهم خـــــــــط القلم

كل ما تِلفّت ســــيـــف هـ الفتنه شُهر

لل ما فهم بــــــــس كيف نبتاع الفهم

ما خصّهم بـــــجــــنــــــان لكنّه ظهر

يا حسرتي ع عقول مـن طلسم ضُرم

حيشاه ذا المجنون مــــــــــن الله طِهر

#بقلم غروب المساعيد

خالد الوائلي

انا الذي لاضقت جيتك من اقصاي
ودي بـــشوفك لـــــو دقايــق قـصيـره

ميت على لامــــــاك وتحــــــب لامـــاي
تايـــــه وطـــــــاح بتايه مـــــع عشـيـــره

خالد الوائلي

خالد مشيلح الوريكات

ماني على سرد القصـايد ملـزّم
ولاني على زخم القصيد اتباهى

يا كم قصيدن داخل الجوف رزّم
عن بوحــها ما حـدني الا حيـاها

لـولا الحــيا وحـدن عليــها يقــزّم
ما شفتني لليـِوم ساتــر خفــاها

لا هاج هاجــوس القصـايد وعزّم
ما ظنّتي من زخمـها بتحصــاها

شـوف القصيـدة في يديني تبزّم
في بـزمها تبطي على محتــواها

وانا كـما اللــؤلــؤ قصيدي تخزّم
خـزمتــها والقــاف زوّد حــلاهـــا

وان كان غيــري فالقصـايد تحزّم
فوق السحايب معتلي في سماها

قلّــه قصيــده لا كثـــر حيـــل ازّم
وفي سمعــها لنـاس زوّد غثــاهــا
     
      #خالد_مشيلح_الوريكات

نام السهر....الشاعر سامي البقور

نام السهر بعيون من كان يرجيه
وفج الصباح وزاح كل الظلامي

وجتني الليالي تحتلم في مباديه
وتقول ريق الصبح يازين ضامي

يا صاحبي مليت من كثر مبكيه
وطاحت دموعي فوق خدي غمامي

لجلك نسيت الحب ونسيت ماضيه
ولجلك كتبت اشواق قلبي كلامي

عزييت نفسي فيه من قبل نرثيه
وعزمت اسولف للخلايق كلامي

الحب مثل الموت لابدة نطريه
وقت المساء والصبح وعند المنامي..

الشاعر سامي البقور العبادي
ابو نايف

احبك ياقطر....الشاعره الشوق طير

انا بنت الابا سيفي اصيل مشرعن ممتد
كسر غمده ولا يمكن يعود الغمد تاليها

كحده في جوى غمده وحدي به رهيف الحد
ومن ماء الحيا شُرب سنان الحد صافيها

انا بنت الكرم والجودوالتاريخ ساس الجد
اصاله والاصاله حق  يسمى عز  راعيها

رقينا من على نوف الجبال الشامخه  بالمد
شربناها كؤؤس العز من صافي غداريها

ومن جانا على مبدا وشيمه ناقيه يسعد
نقوم بواجبه حشمة  كريمن  وافين فيها

احبك  ياقطر  واهفو  لحبك  كل  ما  ردد
على غصن النقى طيرن يغني في روابيها

فانتي ملهمة شعري ونبضي في حروف ابجد
وانتي ساحل اشواقي  وبك ترسو  مراسيها

وعزك في تميم الخير  خيره والرخا يشهد
سعى للمجد  متفاني  ونعم  الوال  واليها
#الشوق_طير

زايد الحارثي

يا بنت في حبـــك حروفي حيّـرت قيفانهــا
كل البحور انهيتها يا ليت الاقي لي جديـد

ليت الفراهيــدي درى عنــي وزاد اوزانهــا
ما كان ضيقها علينــا والتزمنـا ما نزيــــــد

لكن هــلا بك مرحبا وسّعــت لـك ميدانهــــا
ما تسمعين الا جزيل القول والبيت الفريـــد

تستاهلين احلى القصايد في يدك نيشانها
دوري مترجم للمشاعر ثم احولهـا قصيــــد

يا بنـت حبــك لــه منازل معتــلــي بنيانهـــا
في خافقي خالط دمي مابين شريان ووريد

والشوق لك امواج واضلاع الصدر شطآنها
يا صبرها ما كنّها الا من صَخَـرْ ولا حديـد

مشتاق لعيونك حياتـي الناعسات اجفانهـا
مشتاق لخدودك وثغرك فيه مطلوبي الوحيـد

كلك حلا يا بنت والشجره بكل اغصانهـــــا
اذا اكتفيــت من القريّــب لا تدوّر للبعيـــــد

وختامهــا يا بنت غنيها بعـــذب الحــانهـــا
ياماحلا عند الختام اسمع معك حلوالنشيد
                              زايد الحارثي

زايد الحارثي

بين الحقيقه والخيال اسرجت لك خيل القصيد
على ضفاف الشوق اغني لـك صدى موالــهـا

عشق وغلا بعد الهلا ينسـاب في دم الوريــــد
(والنار مــن شبابهــا والخيــل من خــيالهـــا)

يا بنت انا ويــاك جينــا والهــوى عــنا بعيــــد
دار الفلك والفلك سارت ما عرفنا احوالــهــــــا

يوم انتبهنا والقضيه غير والوضــع الجــديـــد
عشق وهوى حب وغلا من جالهــا لا جالـــهـــا

سـرنا على نفس الطريق ومثلنا ساعي البريـد
نرقب عناوين القــدر حتى يصــل مرسالهــٰــــا

يا بنت هذا وضعنا والعمر ينقــص ما يزيـــــد
ولكـــل عقــده تنعقــد يجــي لهـــا حـــلالـــهــا

عيشي حياتك يا حياتــي يفعــل الله مـا يريــد
خذي وهــاتي والمشـــاكل تنتهـــي من حالهــا

دام المحبه والوفا سياج أشــد مــن الحـــديـــد
باكـــر تزين لنا الحــــياه وتنفتــح آمـــالـــهـــا

يا بنت كافيك التردد حكمي العقـــل الرشيــــد
لا من هجـرت الدار ما تبكــي عليك اطلالهــــا

عيشي معي اليوم عيد وبكـره عيد وبعده عيــد
خلـي أحاسيسك حياتــي يوم تنطح فــالــهـــا

كبت المشاعـر والهوى دايم يضـر ولا يفـيـــــــد
لك قلتهــا كلــمه وشرهــتهــا على من قـــالهـــا
                                زايد الحــارثي

زايد الحارثي

يا خفيف الظــل يا عـذب اللمـا
حبـك اكبر من حديث الامنيات

واشتياقي لك سما فوق السما
ما بقـي مع ذكرياتك ذكريــات

كـل تاريخي مسحتــه عندمـــا
ذقت طعم الحب من كفك فرات

يا هوى بالـي بلغــت الأنجمـــا
بالحلا والزين ياعـذب الصفات

والهوى في خافقـي زاد ونــمـا
من عرفتك ماعرف كيف الثبات

وانت تستاهــل غرامـي طالمـــا
بالوفا راسي رسوّ الشامخــات

يا حبيبي قدرك السامـي سمـا
واعتــلا فوق الجبال النايفـــات

لا تخف عشهـا حياتك كيفــمـا
تشتهي حبـك رفيقـي للممـــات
                 زايد الحــارثي

زايد الحارثي

حبيبتي يا سلوة النفــس والذات
جيتـك غــلا جيتــك غـرام ومــوده

جيتك علـى متن القوافي والابيات
آخــذ مــن المعنـــى ومــرات ارده

واختار لك عذب الجمل والعبارات
ومن الفكر أطيب جديــده وجــده

تستاهلين من القصيـد الجزيلات
ومن المشاعـر كــل ما فاق حـــده

دامك بخفاقـي خلايـا ونبضـــات
ومحبتك جــزره والاشـواق مــــده

أسرج لك خيول المحبــه مسارات
واعسف لك المعنى رديفـه وضـده

واقطف لك زهـور المحبـه تحيـات
ورده ولــك بالحـــب مليـــون ورده

يا نورعيني معـك تحلو الحكايات
كوني معــي حرفين تجمـع بشده

صرح المحبـه بيننا فـي الطويلات
يصعب على الحساد نقضه وهده

دام الوفا طبــع المحبيــن هيهــات
تمنع تواصلهم مع الـوقــت شــده
                      زايد الحــارثي

زايد الحارثي

يا نجوم الليل همي معك ليله ســرى
همّ يحداني على البوح واتفاعل معه

بعدما عافـت عيونــى ملذات الكــرى
قمت اجمّـع مفرداتي ثلاثه واربعــــه

والحبيب اللي بهمـي أكيد انــه درى
نام حتى ملّ مـن كـثر نومـه مهجعــه

لا سأل عنـي ولا هو نشد عمـا جرى
مثل راهب دين له عام داخل صومعه

يا حبيبي لك بقلبي غــلا دون الورى
جاتك اشواقي بساحل غرامك مترعه

لا تجاهلها ترى الجرح باقي ما برى
لا تحسّبــها بفنجــال فكــرك زوبعـــه

لا تعش فوق الثريا وانا فـــوق الثرى
خل لي بعض الأمل دام تقدر تزرعــه

دام لـك منفـــذ لقـدام لا ترجـــع ورى
فلّ في بحر المنى ما بقي من أشرعـه

واسقني خمر الهوى والمحبــه يا تُرى
دام عنــدك سلسبيلــه وعندك منبعـــه
                          زايد الحارثي

زايد الحارثي

يا زين يابو العيـون السود
وخــــدود خجــلا وورديـــه

هبّــت علينـا هبــوب النــود
أنفــاس عذبــه وعطــريـــه

والصدر والنحر طيب وعود
من خالـق الكـــون مهــديـه

نفـح الشذا فاح دون حدود
يرســل رسايـــل غراميـــــه

واستقبـل القلـب منها وفـود
واعطـى استجابات فوريــه

وسلّــم الأمـــر دون قــيـــود
والنفـس صــارت هواويـــــه

قصـة غــلا يا رهيـف العـود
بينــي وبينــــك حــقيقــيـــه

عشــق ومحبـه بدون عهـــود
تمشـي علــى صادق النيــه

يا زيـن دام الأمـــل موجــود
ساعات الاعمـار مقــضيـــه

فيها الأجــل موعــده محدود
صحايــف الدهـــر مطــويـه

مادام حـوض الهــوى مورود
عشـهــا حياتــــك طبيعــيـــه

زمـاننـــا مسـتحــيـل يعــــود
والروحــه ما هــي كما الجيه

وارض المحبـه سهـود مهـــود
وليلـــة العــشـق مــســريــــه

مــادام حـبــل الرجا معقـــود
كــل المطــاليــب مـــرجـــيـــه
               زايد الحارثي

الشاعره الشوق طير....لك الغلا روحي

لك من غلا  روحي وفك الجناحين
قبل الغروب وعاشق الصيد مولاع

ياثاقب النظره  ولك  حدة  العين
افرد  جناحك  كلما  هب  ذعذاع

وان جا ظما لك نبع وسط الشرايين
والقلب  دارك  بين  لحمن  واظلاع

يالي  مقامك  فيه  منبر  سلاطين
تامر  وهو  للامر  طايع  وسماع

ان  غبت عنه  صار ما  بين  نارين
تشعل ب ساحاته  ولو كانت اوساع
#الشوق_طير

معتاد اطلال التلاقي ...الشاعره الشوق طير

معتاد اطلال التلاقي ومعتاد
على خياله فايق الوصف وصفه

صدفه اراها خير من الف ميعاد
يهيم في ذكرى الهواجيس حرفه

يشدني شوقي لها شد الوتاد
لان  لي  فيها  علاقه  والفه

هذه مراكبنا على الساحل اشهاد
معالم اشواقي على كل ضفه

يالي تقول العمر يفنى وينعاد
انت العمر ياكل عمري ونصفه
#الشوق_طير

ماهقيت أن الجفا قد طال*** الشاعر بلال القنيطر الشملان

ماهقيت أن الجفا قد طال  كله  .
وانت تدري لك مكانه بالمحاني. 

اقفى   عام وزل  عام ولا حصله. 
خافقن يرجي وصالك لو ثواني. 

والله ان الود في صدري محله 
بادلن ودك / فلا تصبح اناني 

مادريت ان الشقى  فيني تزله 
واشربه مع كل طيف(ن) لك لفاني؟؟

مير أروح  لصوب رجمن دوم ادله .
ازبنه مع كل شوقن لك غزاني .

وااااتوجد فيه من فقد الاخله. 
وجد من طفله تحت هدم المباني 

ماجداه إلا دمع عين(ن) يهله. 
ويلهج لسانه بدعوات واماني .

حيلته دعوه ولا فازع فطن له  .
والعزم طايح ومن حظه يعاني. 

ذا وجودي والجفن دمعي يبله  .
دمعتن فيها مشاريه و تفااااااني. 


بلال القنيطر الشملان

البارحة حالي سوا المساجين***بقلم الشاعر المبدع خالد الوائلي

• البارحه حالي سـوات المساجين
• الــهم وسط الصدر سوى عزايم
• ماغير اهل الدمع من محجر العين
• والجرح وسط القلب عيى يتلايم
• ياطول ليلي والخــلايق مــكامـين
• يوم البشر مابـين غـافـل ونــايــم
• انا بصدري مثل حامــي الـبـراكين
• وياكن قلبي سامع الــه شـتايـم
• همٍ بوسط الصدر مازال اللـحـين
• يشعل فتيل الشوق مازال دايم
• صبري على بلواي بالعسر والـلين
• مـــادام جـسـمي ناقـلاته قــوايـم
• لابد يزول الليل وتظهر مساجين
• وتظهر هموم الـصدر بعد العزايم
• ويـبرى خفــوقٍ مـنكوي بين ناريـن
• وتبرى جـروحي وسط قلبي وتلايم
• وتنبت فياض القلب فل ورياحين
• في شوفت اللي فيه مغرم وهايم
• يافرحتي بـه فــرحـة ام الـمساجين
• شافت ظناها بعد شوف الهزايم
• ويافرحتي بـالعين لاجـات بـالعـيـن
• تكبيرت المـذن على انسان صايم
• خالد الوائلي

الشاعره جرح الزمن....ياللي تقول

يا اللي تقول متابعيني وراعين
              اصغر متابع عنـد جـرح يتحداك
متابعينـي  للرجولـه  عناوين 
               واقربهم اللي لو عرفـك يتوطاك
يكفي جماهيري حساب الملايين
                والكل فيهـم قال ياجـرح حياك
من انت حتى تقيم الناس ياشين
               وتقيم العالـم  على  كيف مشهاك
نسيت يوم اكتب لك الشعر بيتين
          واضبط لك الاوزان واصحح اخطاك
وين انت يامجنون رايح على وين
              ابعـد من دروبي ولا اريـد طرياك
عقلك ضليل وانت ضمن الصغيرين
                 واللـه. ماتفهـم معانـي  حكاياك
بس اسألك واريـد منك جوابين
        وين انت اسمك ?بالشعر وين ?مبداك

جـرح الزمـن 👇

بوح الجنوب....علي الحجايا

مبطي و حنا للمناعير ميراد
من صادر للجود يروي ضماهم

يا مرحبا ترحيب شغموم الاجواد
عد النجوم وعد زبن ادخلاهم

الوقت فر وفرة الوقت ميلاد
للي سواة البوم يرقى حداهم

الطيب شبة والحطب طبع وعناد
مدري رماد النار باقي نباهم

الموت سنه لكن زحول واسياد
في هايلن غطى مداول عطاهم

الحمد للي يسر الملح والزاد
عد النخيل وعد ميدار ماهم
بوح الجنوب

سيف المواجع...الشاعره شوق طير

سيف المواجع يبكي الشايب الكهل
ويموت حلم الطفل في بطن امه

طبع الحياه القاسيه تقتل السهل
وتدس في عذب المشاريب سمه

ابعد عن المجهول وامشي على مهل
ولاتسكن  الا  من  على  سفح قمه

خلي الوفا  مبداك والمكرمه نهل
والصدق  كن  خاله  وجده  وعمه

فلمفتي الي يفتي الناس  بالجهل
تموت  من  فتواه  ياخوك امه
#الشوق_طير

الربابه والكمان ..الشاعره ليانا الرفاعي

الربابة والكمان

أأنت النور أم من وهج نار؟
ملاك انت أم من نسل جان؟

سليل الطين قم وانصب ضلوعا 
أرح روحا تعشعش في 
الكيان

 فهل يبني خنوع النفس قصرا 
وهل تؤتى عروشك من هوان !

تروم الغوص في أمواج رعب
وشط البحر يزخر في الأمان

وتستسقي كؤوس الآه يأسا 
وفيض الشهد دونك في 
دنان

وتستجدي جبين الشمس ليلا
ووجه البدر يسرج للعيان

أيضنيك الزمان بشح حظ
وفي البلوى مفاتيح الجنان!

صه اتبعني وعش ساعات أنس 
بلوغ السعد يسرقه التواني 

وإن شح الزمان بعزف لحن
ولم يرنوا لشدوك والمعاني 

فغن اصدح ولا ترقب نصيبا
مع الأشجان كم تحلو الأغاني

وكن مثلي ولا تخشى الليالي
ورد على الربابة في الكمان 

أنا يا صاح لا أخشى المنايا 
رضى مولاي عني قد كفاني

ليانا الرفاعي

مهرجان الدجنيه

الاهل والاصدقاء الاحبه في كل مكان
انتم مدعوون لحضور المهرجان الاضخم في الدجنية ضمن فعاليات المفرق مدينة الثقافة لعام ٢٠١٧

**** مهرجان الدجنية الاول للتنوع الثقافي ***

تحت رعاية وزارة الثقافة الاردنية  وبتنظيم من منتدى الدجنية للثقافه والفنون وبالتعاون مع مديرية ثقافة المفرق
المكان: ديوان الاسود والجرنا
الزمان: يوم الثلاثاء القادم  الموافق ٩ _٥_٢٠١٧ بعد صلاة العصر مباشرة ان شاء الله

ستكون فقرات المهرجان منوعة لترضي اذواق الجميع ما بين كلمات خطابيه وعروض فولكلورية اردنية فلسطينيه واغاني تراثية للفنان رائد خزاعله وقصائد نبطية وفصيحه يلقيها الشاعر عيدخزاعله بالاضافة الى فقرات اخرى

وفي نهاية الحفل سيتم تكريم مجموعة من ابناء وبنات البلدة

الاصدقاء في الفيسبوك ارجو اعتبار هذا المنشور بمثابة دعوة شخصية لكل منكم

الدعوة عامة ************ وحضوركم يشرفنا

نائب رئيس المنتدى
الشاعر  عيد خزاعله