طالما مات الامل....زايد الحارثي

طالما مات الأمل كيف نبدع في القصيد
 فــي وجــود الياس حتى الحيــاه نمـلّها

يا هجوسي ودعي دام ما عـنـدك رصيد
واتــركــي كــلّ المنــــابـر لمـن يحــتلـهــا

ما على الدنيا حسايف ولا فيها جــديــد
غيــر اشابيه الرجــال اشتروهــا جــلّهـا

بعضـهم من سحـنته تعــرف انه ما يفيد
صـوّر الناقــه معــه واحـتبى في ظلهـــا

والبعَضْ ماخـذ من الضبع دمه والوريـد
يا ثُقُــلْ دمّـــه خبيـث الطبايـــع كــلهـــا

حطّ نفسه شاعر الكون يا قلّ الحصيـد
خلّـــها يا شاعــر الكـــون بالله خــلهـــا

والحــراميـّه كثيريــن والــزايــد يــزيـــد
هيضهم جابــه تويتر وقــوقـل حـــلـهــا

ليتهــم راحــوا فــدا للزلامــي والعميـــد
يا إلهــي سارق الشعــر كفــه شـلّهــــا
                        زايد الحــارثي