،،،،،،،،،،،،،،،،،،،،،،،،،،،،،،،،،،،،،،،،
الجو طاب ،، لكل شاعر وكتتاب
ديم وندى وصوت الرعد والبروقي
وشديت قافي دون عمدان واطناب
فووق الجزايل عاليات العذوقي
كني على ماقيل ،، اقرأ من كتاب
إلهام خالق ،، واهبه لمخلووقي
دن القلم ياكاااتبي ،، وأغلق الباب
إكتب وانا ب امليك باللي يسوقي
سلام راااهي للأخووة والاصحاب
حمله عبير ازهوور شمه يشوقي
للذوق وأهل الذوق وافين واطياب
اللي لهم في كايف البوح ذوقي
أمس العصر عديت في رآس مرقاب
و فكري يدور بعالمي والفروقي
ولمحت زول" زارني شوق واعجاب
شيهان حر ولا عقد به سبوقي
جتني تذررا خوفها لووم واعتاب
تدرا عذوول" للنميمه شفووقي
قالت سلام ولك تحيااات واعجاب
من إختك اللي للجزيله ،، تتوقي
قلت ابشري لوني انا منك مرتاب
واللي تبينه جاك من دون عوقي
قالت أصيل ومن عريبين أنساب
قلت الكلام العذب ،، منك يروقي
قالت سؤالي دافعه شخص كذاب
يقول انك ،، للجزااايل سرووقي!
قلت اسألي ياتوت غالي وعناب
عليك رب الكون من دوون بوقي
قالت هقيت ومن هقا فيك ماخاب
ياشاعرا" يبدع جميع الطرووقي
قالت عوايد؟.قلت عكفان الاشناب
لهم عوايد،، مايخوون ويبووقي
يوفون عهد الجار والجار محراب
من طيبهم ،، له كاملات الحقوقي
قالت الكيف؟.وقلت للكيف صباب
يصب فنجال" على ذوق ذووقي
من دلة" صفرا على كيف شرراب
فيها العويدي والمهيل يفوقي
فنجالها كنه صبغ لوونه خضاب
من زعفران الفرس لونه يشوقي
قالت شجاعه؟. قلت عدوونا تاب
من سطوة اللي فيه للدم شوقي
يقدم على قوم المعادين ماهاب
ضرب السيوف المرهفه بالدروقي
يهجم عليهم كنه الذيب وثااااب
ياااااما يخلي مجتمعهم فرووقي
قالت عذول؟.وقلت يلدغ كما الداب
حاسد حقود وهافي الجد لوقي
شغله نميمة بين الأحباب ماغاب
دايم على قول الرديه سبوقي
قالت غزل؟.قلت الغزل شوق واعجاب
يسري كما دم البشر بالعروقي
ليا حس فيه إنسان من حرقته ذاب
هااايم بعشقه ،، مابعمره يفوقي
مثلي انا واياااك يااااكل الاحباب
قلبي يتووق ل نظرة" منك توقي
لك نظرة" مافكني دونها حجاب
منها غدت ،، قضبان قلبي شقوقي
ثم أغمضت بالعين وارخت للأهداب
قالت سلام !! وقلت يابنت روووقي
تو المسى والليل في جيتك غاب
ومن وحدتي يشرح لك الحال موقي
# عبد الرزاق الرويلي
ليست هناك تعليقات:
إرسال تعليق