الشاعر ابن ظاهر

البارحه صدري من الضيق محتاس
جابت له الذكرى علوم(ن) قديمه

اعلوم بانت من وراهـــا تبـــلاس
ماهي وخيمه بس صارت وخيـمه

الله يالدنيا علـى كــل مقيـــاس
فيها النديم اليوم فارق نديـمـــه

لفت على هامة وسيعين (الاقـواس)
اهل النفايل والفعـــول القسيمـــه

هزت ومالت للرخم واهل الافــلاس
تصفق لها  يد السوات اللئيمــــــه

ابديت اكافح والمجاهيـم تنــداس
تاهت على اهل العقول السلـيمــه

الدرب دربي ماسلكه من الاجنــاس
الله اكبـــر غرّنــي في نسيمــــــه

شبت وانا شيبي فرقني عن الناس
شيبآ نهض من بادي العمر ضيمه

الشيب ماهو بس وقارآ على الراس
الشيب قبى خاطري في جحيمه

ساسك يعل ماهزك الريـح ياساس
خلك متين الساس منت بهديمـه

ماصار ذيب اللي من الوقت منحاس
ولاصار حــرآ من يقابــــل حريمـــه

الذيب ياخذ عنوّتـه دون حــراس
من دون جزيـّه لا ولافيه قيـمــه

والحر الاشقر ماكلى لحم الافطاس
صيده جزل ماقدمـــوه بوليمـــه

لاتنخى الا من ورى عمرهــم باس
بعض البشر تلقى حيـاتـه سليمه

ماخذ مفاهيم الحياه لهو(ن) وكاس
وعند الشدايد انتخــى بالهزيــمه

اليا نخيت وفزعتك صارت احمــاس
تلقى بني صخرٍ على الشده غيمـه

اللي لفاهم عـ الجبينين ينــبـــاس
واللي تحراهم اعلـــومه حمـيـمــه

يبشر بعز ان جات له حـمر الاطعاس
حمر النواظر ع المواقــف مقـيمــه

وانا تراني ماجبـــــت احــد بمساس
كل الخلايــق عنــــــد ربك كريمـــه

الشاعر ابن ظاهر