زايد الحارثي

يا زين يابو العيـون السود
وخــــدود خجــلا وورديـــه

هبّــت علينـا هبــوب النــود
أنفــاس عذبــه وعطــريـــه

والصدر والنحر طيب وعود
من خالـق الكـــون مهــديـه

نفـح الشذا فاح دون حدود
يرســل رسايـــل غراميـــــه

واستقبـل القلـب منها وفـود
واعطـى استجابات فوريــه

وسلّــم الأمـــر دون قــيـــود
والنفـس صــارت هواويـــــه

قصـة غــلا يا رهيـف العـود
بينــي وبينــــك حــقيقــيـــه

عشــق ومحبـه بدون عهـــود
تمشـي علــى صادق النيــه

يا زيـن دام الأمـــل موجــود
ساعات الاعمـار مقــضيـــه

فيها الأجــل موعــده محدود
صحايــف الدهـــر مطــويـه

مادام حـوض الهــوى مورود
عشـهــا حياتــــك طبيعــيـــه

زمـاننـــا مسـتحــيـل يعــــود
والروحــه ما هــي كما الجيه

وارض المحبـه سهـود مهـــود
وليلـــة العــشـق مــســريــــه

مــادام حـبــل الرجا معقـــود
كــل المطــاليــب مـــرجـــيـــه
               زايد الحارثي