الشاعر صخر يابنت انا…… ..

يابنت اناشاعر ولانيب شاعر
لكن ظلم الناس ثار المشاعر
امشي إمغمض واغلب الخط واعر 
ولاعاد به شي مع الناس مضمون

الحظ يلعب دور والناس تلعب
وانتي وانا كوره والايام ملعب
ومن لايعرف الناس بالعون يتعب

وهذاك حاسد واغلب الناس مجنون

العام انا وياك روح الصداقه
واليوم كل/ن له صديق ورفاقه
والبنت معها كم جواز وبطاقه

غصب على العقال وبليس ملعون

هذا زمان العولمه خربوها
حاسو علوم اجدادنا كلبوها
والبنت فوق الطايره ركبوها

من دون محرم واغلب الناس يدرون

احدن تجنن من غرابيل الاسهم
واحدن مضيع بنتهم في ولدهم
ومزاين رقيبه تجي واشغلتهم

على المواتر يرقصون ويغنون

ماعاد فيه احساس مافيه غيره
عم المرض في كل قريه وديره
والكل ما يعرف نهايت مصيره

والحمد لله فرض ربي يصلون

بقلم الشاعر صخر….