طلوع الفجر والشمس يشبه جبينك
ليامن نظرت بنورها قلت سارقها
حجاجينك وخدك وكسرت نظرعينك
عذوبة هوا العشاق زاهت محادقها
تصبح على نورك وتغرب على زينك
شعاك الوله والعشق والحب لاحقها
وفيك الدلع والشوق يروي حنينك
تعال الليالي شوفها سهيل عاشقها
وشوف النجوم اللي تجدد سنينك
نسيم الليالي كيف ريحك يداعبها
تعال احتوي صدر عذابه يدينك
بعد شوقك الفتان وصفك يسابقها
تخيلتك السفاح وجسمي طعينك
عبدالله العتيبي
ليست هناك تعليقات:
إرسال تعليق