زايد الحارثي

البارحــه ياحمود هــمّ وهواجيـس
ارمـــي بهـا ياحمود فــي كل غده

لو شفتني ياحمود بين القراطيس
تشفق علـى حالي وتبكـي بشـده

قتل المشاعر وانتهاك الاحاسيس
ياحمود زادت نبرة الحـزن حـــده

حاولــت أخليهـا هبايب نسانيس
واقهـر عواصفهــا بكبــر المخــده

لكنها ياحمود راحـت على الكيس
وانهــدّ حيلـــي بيـن روحـــه ورده

هــذا حبيبي فـــاق كل المقاييـس
امــوت فــي حبــه وبالحيــل اوده

هذا سكن قلبــي ودونه متـــاريس
ياحمود احبه كيف ياحمود اصده

روحي فدا ذيك الجفون النواعيس
يا ما حلا مزحــه ويا زيــن جـــده

هذا هواي اتنفسه دوم تــنـفــيـس
واحلــى سنيني بين طرفـــه وخـده

ريقه عسل صافي ومافيــه تدليس
تفلــه تحلّـــي وحْـدَها بحْر جـــده

مشاعري يا حمود عنـده محابيس
يا ليـت قبري بين نهـــده ونهــــــده
                        زايد الحارثي