زايد الحارثي

يا زين ما غير وصلــك يشفــي العله
يزيــل من خافقــي جمرة مشاهيبــه

غيابــك اللي أبــد مـا كـان في حلــه
متى على العين نخلص من غرابيبــه

والظن ما هو غياب الحــس والطــلـه
نتفهمـه والـعــــذر نعــرف مواجيبـــه

والمسـأله باعتقــــادي شبــه منحـلــه
هــذا الملل حرشفــت عنــدك عراقيبـه

يا ليت تصدح بها ما في الهوى ذلّـه
والصدق مهما قسا يحمـي معازيبـه

صحيـح قلبي يحبـك وانـت تحـــتلــه
والشوق لـك شب في قلبــي لواهيبـه

لكـن وش الفايـده من هالحكي كلـــه
دام الجفـا يالغـلا عكّفـت اشــانيبـــه

يا زيـن قلهـا اذا منـي حصــل زلــــه
والكـــلّ يخــطــي وكلاً لــه عذاريبـــه

افتـح خفوقك وصمتـك ياالغلا خـلـــه
انثــر جميـع الخفايـا مـن دوالــيــبـه

سيـف الحقيقه بغمده لا تخـف سلـه
كـافي قلق تـوّ وسواسي عوى ذيبــه

يا زين ما قصــدي التشكيك ابــد لله
لكن شروق الخــبر يكشــف مغاريبه

وختامهــا لا تــزوّد طـــينهــا بـــلّــــه
خـذنـي علــى قد عقلـي واترك الريبه
                       زايد الحارثي