زايد الحارثي

جمــــرة الشوق لك يا زين وقاده
غير وصلــك حياتــي من يطفيها

وادري ان البشر تحســد ونقاده
مير ما همّني وش حكي حاكيها

حبـك امسى مدد دايــــم وزواده
منه تاخــذ هواجيسي قوافيهــــا

والله انــك لقلبـي أجمل اعيـــاده
يا بَعَــدْ كل هالدنيـا ومافيــهـــــا

أتنفـس غرامـــك عــــذب وزيـاده
واتلذذ بهمساتـــك واحــاكــيهـــا

واتمناك وانتـي بالحــــلا غــــاده
ما طـرى لي سواها يوم اهاويها

لك بقلبــي غــلا ومثـبّــت اوتــاده
ضد ريــح الزمن واعتـى عواتيهـا

خاطري في وجودك منبع اسعاده
وبغيابـك عذاب النفس يشقيـــهــا

توأم الروح عيشي الحب وامجاده
عاشقـك تارك الدنيـا لــوالــيــهـــا
                     زايد الحــارثي