الشاعر ابن ظاهر

ياصاحب

ياصاحــب هونهـــا تراها مقاديــــر
دنياك خـلت فيــك مليــون علــــه

لا لا تخلــي خاطــرك بالمشاويــر
والــزم زمانــك صاحبــه لاتملــه

وجه الزمان ابيض ولا فيـه تزويــر
مير البلا من هاجســـك فيه ثلـــه

العام لاجيتك وانا اشوفـــك اتنيــر
واليوم ماظنــك علــى اول محـلــه

اضحك وخلي بسمتـــك كلها غيــر
ولا تشتكي ان راح عمـــرك و ولـــه

فيدينـــك حزام الامــل والتباشيـر
عانق جروحك ودايمن اذكـــــر الله

ان كان فاقد شـــي.  عند الله اخيـر
العوض عنده وبالصبـــر له تحلّــه

دنيا وبلاويها علــى النــاس بتغِيِـر
تلّــت عروق القلــب من فــوق تلـه

خلك مثل طيرن عشق رفقة الطيـر
لاجــاه ضيقــه راح فــوق وتعلـــه

ترى العمـر يشبه لعـش العصافيـــر
ان طاح عــود هـــّدم العــش كلــــه

هذي النصيحــــه خلهــا بالدفاتيـر
الـزم زمانــك صـاحبــه لاتمــلـــه

…
الشاعر ابن ظاهر