زايد الحارثي

يا زين لـك عنــدي مكانــه عليــــه
يحفظــك ربــي يا بعد عين مغليك

حبــــك تملكنــي خليـــــه خليــــه
كل المشاعـر ما لها غيــر طاريــك

والشــوق لـك يا زين ناره قـويــــه
أشتاق لك حتى ولو كنت احاكيك

محبتي لـك يالغـــلا ســـرمــديــه
سلمت لـك كــل الزمن بين اياديك

والروح جاتك يا حبيبــي هـــديــه
والقلب لـك منزل ونبضــه يناجيك

يقول لـك مـع كل نبضــه وصيـــه
إلا الفراق تجــنــبــه لا يطــرّيـــك

الصبح عنــدي يستوي والعشيــه
في غيبتك كل المشاعــر تناديـــك

يا ما حلا يا زين يدْك بــيـــديــــه
في ليلةً تحميك من شر اعاديـــك

نقضي بهـا ساعات حــلوه هنيــه
من العشا ونقوم مع صحوة الديك

والكــل منا مهتني مع خـــويـــــه
ليلــة عمر ما كل مــرّه تواتيــــــك
                       زايد الحارثي