ماجد عبدالعزيز

كذاب لو قلت انا مرتاح وقت الغياب
___ والشوق يحرق حواسي والخفوق يجرحه

ذابت حواسي ودمع العين هلل وذاب
_______ والفكر طايح وذكرى ساحري تطرحه

غايب رفيقي وخلا في حشايا عذاب
_________ولابقي لي سوى ذكراه  والمسبحه

في عينها شفت ابيات القصايد عتاب
________ وفي هواها خذيت الحب والمربحه

مافي حياتي سواها فرحتي والصواب
________ولاسواها سكن في خافقي  وافرحه

فيها وليها حياتي شيبها والشباب
______ومنهامحبه على احساس الحشا تمنحه

غفران عشقي يداهم سحرها والكتاب
________ وأبيات شعري تنادي وصفها تمدحه

احبها موت لاكن غيرها القلب تاب
______ فيها المكاسب وحب الروح والمصلحه

من غيرها صرت في سهد اليالي ضباب
_______ والنفس طابت وأفراح الزمن تمسحه

ماجد عبدالعزيز