يوسف ناغي

اهل المصالح كل ابوهم حراسه
من حولك ويدعون جيبك للأفلاس

ادروبهم سود وظلام وتعاسه
ما قدّرو شرهه ونخوه ونوماس

حتى ولو في الوفا تملى كاسه
كبّه وشِرب كاسٍ معٓ ناسٍ انجاس

ماهوب صافي بالنوايا دناسه
شيطان في صورة بشر مابه إحساس

يمشي معك ويقول هيا وناسه
قم فلها يا صاحبي واترك الناس

همه ريالك هو نبضه وحواسه
ولا انت ما فكر بك وماهو بحاس

وده على راسك يطاك بمداسه
مصلحجي وكنّه على اخطاك متراس

خبيث طبع وخايب وبه نجاسه
يطعن ظهرك ولا تهمه من اساس

خذ الحذر وخل عندك فراسه
قلته قبل لا يوقع الفاس بالراس

#ابو_حـسن