يابنت ...خليل حمود

يابنت...

يابنت سهمك صاب قلبي رماني
رماني رمي الطير من فوق مشراف

 صاب الخفوق وصرت منه اعاني
لا وا عذابي منك  يازين الاوصاف.


لا مايغرني برقعك لو وماني
واللي سمع يابنت ماهو كمن شاف

خلك مكانك واتركيني مكاني
القلب ياما شاف من صنفك وعاف

أبقيت حب الله بين المحاني
ثابت على مبداي يل بيض ال ظراف

لا والذي سواك واللي حماني
من موق عينن رمشها حيل خطاف.

ماهو كبر يابنت بس الاماني
ألقى إله الكون وكفوفي نظاف..

خليل الحمود