زايد الحارثي

إلى من يهمه الأمر!!

يا خــوي ما جينــا ندوّر عـداوات
حنّــا عـــرب وهمومنــا يعــربيــــه

لا لا توسّــع مجلســك بانتقـادات
كلاً علــى ما قيــل يعـرف خـويـــه

تغمز وتلمز ذيك راحت وذي جـات
ضيعت قدرك بين روحـــه وجيـــــه

شقرا تجي وفق النظم والعلاقـات
يا مرحبا بالضيف واثني التحيــه

في دار اخو نوره وريث الزعامات
عز العـرب راعي العزوم القويـــــه

ليتـــك تجنبـت الردى والسياسات
عنــدك هويـه وانا عنــدي هويـــــه

امّـــا نخليهــــا تبــادل ثقــافــــات
ولاّ نســرّيــهــا علــى العنصـــريـه

ولك خيـار الأمـر والوقــت ما فــات
وانا معـــك جاهــز لهــاذي وذيـّـــه
                        زايد الحــارثي