فرحان الزارع

اليامتى والناس تكــذب على الناس
وبث الاشاعـــه صــار يمشي علينا

 اغلب سوالـــف تنتشر مالها ساس
وكثرت وسايـــل نقلـــها في يدينا

حتى الاعلام اخبارهــم توجع الراس
وصرنا نصــــدق كــــل شي يجينا

خبر يقول الوضـــع بالحيل حساس
وخبر بينفــــي قبلـــها وش قرينا

وخبر يقول الوضع فوضى ومحتاس
وحط المخاوف كلــها اليـــوم فينا

وخبر يقول الحــرب بتدق الاجراس
كــم دولـــة في حربهـــا تحترينا

وخبر اقتصادي قال يوشك للافلاس
بينهار سوق فيـــه بعنـــا وشرينا

وياكثرهم من ناس عديمة احساس
بثو سمـــوم افكارهــــم واحتوينا

مابينهم ذيــــل الحصينــي وبلاس
ومخـــادع غنيمـتــــه لــو اخطينا

يتبع هــــو نفسا تامــر بوسواس
شيطـان يجلــــس بينـــنا مادرينا

ولو تنحكى نــص الحقيقه بمجلاس
بيزعـــل علينــــا ربعنــا لو حكينا

          فرحان الزارع