احمد المقبالي

ياخاطري وش فيك ميلّت للضيق
كنت أحسبك أقوى عن تبث لهموم

غربتني وأنا عــلى الــدرب تشريــق
كني وحيد  بديرة أغراب مظلوم

لاعاد تنبش في خفايه الصناديــق
خلي الذي بالقلب خافي ومضموم

ولاعاد ترجي شي وينشــف الريق
لا ضاق جو البال قم شــد لــعزوم

خيب الهقاوي مالحق بالمطاليــق
من بينهم مليون نشــمي وزيزوم

لاصكت الحلقه مثل قمــة طويق
ماتنطح الأ في السماء دهم لغيوم

أختار في صحبه معادن بك تليق
عز الله أنه محزمك دوم محزوم

لا صــادفنك فــي الليالي عواليــق
أزقر على أهل الوفا وطيب لعلوم

ماخابت الا في الوجــيه المطافيق
هم يحسبون الوقت عاري من سلوم

حتى سوالفهم عــن الطيب تلفيــق
وش عاد فعلن صاحبه بــــار لعزوم

أحمد المقبالي